Cəmiyyət

Sakinlər narahatdır: Sahibsiz itlər uşaqlara hücum edir

6 Aprel 2026 20:07
Baxış: 1 094
VTB-də minimal faiz dərəcəsi ilə nağd kredit 9.9%-dən
#CƏMİYYƏT

Biləsuvar rayonunda sahibsiz itlərlə bağlı vəziyyət getdikcə daha narahatedici hal alır. Rayon mərkəzi xəstəxanasının verdiyi məlumata görə, son 15 gün ərzində it dişləməsi səbəbilə 26 nəfər tibb müəssisəsinə müraciət edib.

Milli.Az xəbər verir ki, sakinlərin sözlərinə görə, sahibsiz itlər xüsusilə məktəbə gedən uşaqlar üçün təhlükə yaradır. Onlar bildirirlər ki, bu cür hallar tez-tez baş verir və məsələ ilə bağlı tədbir görülməsini istəyirlər.

"Uşaqlara hücum edirlər, bunu dəfələrlə eşitmişik. Onların vurulmasına qarşıyıq, daha yaxşı olar ki, sığınacaqlara yerləşdirilsinlər", - deyə yerli sakinlərdən biri qeyd edib.

Məsələyə münasibət bildirən Biləsuvar Rayon İcra Hakimiyyətinin şəhər inzibati ərazi dairəsi üzrə nümayəndəliyi isə sahibsiz heyvanların toplanaraq sığınacaqlara yerləşdirilməsi istiqamətində tədbirlərin planlaşdırıldığını açıqlayıb.

Asya
Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.