Cəmiyyət

Həmin evlər söküləcək, yoxsa sənədləşəcək? - AÇIQLAMA

8 Yanvar 2026 12:00

Baxış: 10 571

VTB-də minimal faiz dərəcəsi ilə nağd kredit 9.9%-dən

#CƏMİYYƏT

Sulutəpə ərazisində yaşayan sakinləri uzun illərdir ki, bir məsələ narahat edir. Onlar yaşadıqları evə nə sənəd ala, nə də qeydiyyata düşə bilirlər. Bir çox evlər çoxdan tikilsə də problem eyni olaraq qalır. Bu vəziyyət isə sakinləri təngə gətirib.

Milli.Az xəbər verir ki, bu problem təkcə Sulutəpədə deyil, Bakı və Abşeronda da hazırda 500 minə yaxın sənədsiz ev var. Bu kimi evlər 90-cı illərin əvvəli tikilib.

Əmlak məsələləri üzrə ekspert Ramil Qasımzadə qeyd edir ki, bələdiyyə torpaq sahəsində olan fərdi yaşayış evlərinin sənədləşdirilməsi mümkündür:

"Vətəndaşın hansı ki bələdiyyə torpaqlarını zəbt eləyiblər və həmin zəbt olunan torpaq sahələrində fərdi yaşayış evləri tikilib vətəndaşlara həmin torpaq sahələri əgər hər hansı kommunikasiyalara maneə olmursa, yaşayış məntəqələri yerləşirsə, torpağın satılması ilə bağlı çıxarışların verilməsi həyata keçirilməkdədir".

Millət vəkili Jalə Əliyeva bildirib ki, elə evlər var ki, onlara müəyyən infrastruktur sahələrinə aid yerlərdə inşa ediliblər. Böyük magistral yolların, dövlət əhəmiyyətli obyektlərin, elektrik şəbəkələrinin və s. yaxınlığında tikilən qanunsuz evlərlə bağlı yəqin daha sonrakı zamanda xüsusi tədbirlər görüləcək.

Qeyd edək ki, yaşayış sahələrinə sənədlərin verilməsi bu il də davam edəcək.

Aysel Əkbər
Milli.Az