Cəmiyyət

Zabratda Əlillər binası istiliksiz qaldı - 160 mənzilin 80%-i borcludur

25 Noyabr 2025 16:30

Baxış: 617

VTB-də minimal faiz dərəcəsi ilə nağd kredit 9.9%-dən

#İSTİLİK

Zabrat 2 qəsəbəsində yerləşən Əlillər binasında vətəndaşlar istiliyin verilməməsindən şikayətçidir.

Məsələ ilə bağlı Milli.Az-ın sorğusuna cavab olaraq "Azəristiliktəchizat" ASC-dən bildirilib ki, həmin 2 binada 160 mənzil var.

"160 mənzildən yalnız 20%-ə yaxının, yəni 28 mənzilin borcu yoxdur. Qalan bütün mənzillərin borcu var. Borclar ödənməlidir ki, istilik də bərpa olunsun".

Qeyd edək ki, payız-qış mövsümü noyabr ayının 15-dən başlayıb. İstilik mövsümü gələn il aprelin 15-nə qədər davam edəcək.

Nazirlər Kabinetinin 5 sentyabr 2023-cü il tarixli qərarı ilə təsdiq edilmiş "İstilik enerjisindən istifadə qaydaları"na əsasən respublikanın dağ rayonlarında noyabrın 1-dən istilik verilişinə başlanılıb. Ölkə üzrə 14 dağ rayonundan Cəmiyyətin qazanxanalarının mövcud olduğu 9 dağ rayonunda (Şuşa, Qəbələ, Quba, Qusar, Xaçmaz, Siyəzən, Şabran, Lerik, Şamaxı) payız-qış mövsümü ərzində 39 qazanxana və 1 istilik məntəqəsi fəaliyyət göstərir və mövsüm gələn il mayın 1-nə qədər davam edəcək.

Mina Mikayılova
Milli.Az