Cəmiyyət

Tək qaş brilyant almaq istəyənlər üçün VACİB NÜANSLAR

14 Noyabr 2025 15:10

Baxış: 1 440

VTB-də minimal faiz dərəcəsi ilə nağd kredit 9.9%-dən

#CƏMİYYƏT

Zər qədrini zərgər bilsə də, bəzən qiymət bilinmir. Zinyət əşyalarının satışı baha, alışı isə ucuzdur.

Bəs buna səbəb nədir?

Milli.Az xəbər verir ki, satıcıların sözlərinə görə, brilyantın formalaşdıran əsas karatı, rəngi, təmizliyi və kəsimidir. Bu meyarlar dünyada 4C standartlarla qiymətləndirilir:

"Yəni, daş nə qədər iri, şəffaf və simmetrik kəsimlidir, o qədər dəyərlidir. Ziynət mağazalarında satılan brilyantlar bu göstəriciləri fərqləndirmək çətindir və çox vaxt qızılın çəkisinə baxırlar. Əgər satılan məhsul yəni dəyərini itirməyibsə, heç bir zədəsi yoxdursa, yəni onun brilyantı ayrıca hesablanır. Əgər satılan məhsul, yəni lomdursa zədəsi və qırığı varsa, bu, nisbətən aşağı dəyərləndirilə bilər. Brilyantın dəyəri heç bir halda aşağı düşmür. Tək qaş üzüklər həmişə digər üzüklərə nisbətən bahadır. Çünki o, bir daşdan ibarətdir. Bir daşdan komplekt də yığıla bilər. Qaş nə qədər parçalansa, dəyəri bir o qədər düşür".

Satıcılar onu da qeyd edib ki, briliyantı seçərkən diqqət edilməli digər məqam onun sertifikatının olmasıdır. Hər bir original brilyantın beynəlxalq labarotoriya tərəfindən verilmiş keyfiyyət sertifikatı olmalıdır. Bu sənəddə daşın mənşəyi, çəkisi və dəyərləndirmə meyarı göstərilir. Sertifikatsız satılan məhsullar sonradan satılsa ciddi dəyər itkisi ilə üzləşə bilər.

Ekspertlər qeyd edir ki, qızıl seçərkən yalnız parıltısına deyil, onun keyfiyyətinə də önəm vermək lazımdır.

Aysel Əkbər
Milli.Az