Cəmiyyət

Hepatitlə bağlı diqqətçəkən statistika: Ötən illə müqayisədə azalma var

23 Oktyabr 2026 17:40

Baxış: 356

VTB-də minimal faiz dərəcəsi ilə nağd kredit 9.9%-dən

2026-cı ilin yanvar-sentyabr aylarında Azərbaycanda viruslu hepatit diaqnozu ilə 62 nəfər qeydiyyata alınıb. 2025-ci ilin eyni dövründə bu göstərici 109 nəfər olub.

Milli.Az xəbər verir ki, bu barədə Trend-in sorğusuna cavab olaraq, Dövlət Statistika Komitəsindən məlumat verilib.

Qeyd edilib ki, hesabat dövründə hepatit A diaqnozu 6, hepatit B diaqnozu 26, hepatit C diaqnozu isə 30 nəfərdə qeydə alınıb. 2025-ci ilin yanvar-sentyabr aylarında bu rəqəmlər müvafiq olaraq 14, 54 və 41 nəfər təşkil edib.

"2026-cı ilin ilk doqquz ayında viruslu hepatit diaqnozu ilə qeydiyyata alınan 62 nəfərin 28-i qadın, 7-si 0-17 yaş, 55-i isə 18 yaş və yuxarı şəxslər olub", - deyə məlumatda qeyd olunub.

Xatırladaq ki, Hepatit - qaraciyərin iltihablanması ilə müşayiət olunan ciddi xəstəlikdir.

Müəllif: Malik Məlikov (Milli.Az redaktor)