Cəmiyyət

Yaşamaq üçün ən ideal ərazilər açıqlandı

30 İyul 2025 01:01
Baxış: 685
VTB-də minimal faiz dərəcəsi ilə nağd kredit 9.9%-dən
#CƏMİYYƏT

Dəniz kənarında yaşamaq ömrü uzada bilər, amma çay və göl kənarında bu təsir müşahidə olunmur.

Milli.Az xəbər verir ki, ABŞ alimləri bu qənaətə gəliblər.

ABŞ alimlərinin apardığı araşdırmaya görə dəniz və ya körfəz yaxınlığında yaşamaq insan ömrünü orta hesabla bir il artırır, amma çay və göl kənarında yaşamaq bu təsiri göstərmir.

Tədqiqat 66 min yaşayış məntəqəsinin məlumatları əsasında aparılıb və "Environmental Research" jurnalında dərc edilib.

Alimlər su hövzəsinə yaxınlıqla ömür uzunluğu arasındakı əlaqəni araşdırarkən iqlim, gəlir səviyyəsi, nəqliyyat, hava keyfiyyəti və şəhərləşmə kimi amilləri də nəzərə alıblar.

Nəticələrə görə dəniz sahillərində yaşayanların havası daha təmiz, iqlimi daha yumşaq, istirahət yerləri daha çox və yaşayış səviyyəsi daha yüksək olduğu üçün ömür uzun olur.

Əksinə, şəhər ərazilərindəki çay və göl kənarlarında isə çirklənmə, sıxlıq və sosial bərabərsizlik səbəbindən ömür daha qısa ola bilər.

Tədqiqatçılar vurğulayırlar ki, şəhər planlaşdırılmasında təkcə təbii obyektlərin mövcudluğu deyil, onların sosial və ekoloji mühitə necə uyğunlaşdığı da nəzərə alınmalıdır.

İsmayıl
Milli.Az

 
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.