Cəmiyyət

Cəlilabadda nə baş verir?

5 İyun 2025 11:21

Baxış: 2 661

VTB-də minimal faiz dərəcəsi ilə nağd kredit 9.9%-dən

#CƏMİYYƏT

Cəlilabad rayonunun Sərhədabad kəndində noxud əkini ilə məşğul olan fermerlər ciddi məhsul itkisi ilə qarşılaşıblar.

Milli.Az xəbər verir ki, kənddə hektarlarla sahə yanaraq istifadəyə yararsız hala düşüb.

Fermer Tahir Əhmədovun sözlərinə görə, aqrotexniki tələblərə uyğun şəkildə becərdiyi iki hektar noxud sahəsi yanaraq tamamilə məhv olub:

"İki hektar sahəyə noxud əkmişdim. Torpaq vaxtında şumlanıb, dərmanlama işləri düzgün aparılmışdı. Müxtəlif dərmanlardan istifadə etsək də, nəticəsi olmadı. Bütün məhsul yanıb külə döndü. Bu vəziyyətlə təkcə mən qarşılaşmamışam, kənddə demək olar ki, bütün noxud sahələri yanıb" - deyə fermer bildirib.

Məsələ ilə bağlı Cəlilabad DAİM-in bitkiçilik sektorunun əməkdaşı Hafiz Kərimov bildirib ki, yay aylarının yağmurlu keçməsi noxud sahələrinə mənfi təsir göstərib:

"Həmçinin fermerlər əkin sahələrinə qulluğu düzgün aparmırlar. Dövlət Aqrar İnkişaf Mərkəzinin əməkdaşları bitkilik sektorunun mütəxəssisləri tərəfindən mütəmadi olaraq fermerlərlə görüşlər keçirilir və fermerlərə qaydalar haqqında düzgün, dolğun məlumatlar verilir. Ona diqqət edilərsə, zərərverici xəstəliklərə qarşı xəstəliklər mütəmadi aparılarsa, təbii ki əkin sahəsi daha yaxşı vəziyyətdə olacaq".

O qeyd edib ki, fermerlərin əkin sahələrini sığortalamaları daha məqsədəuyğundur.

Asya
Milli.Az