Cəmiyyət

Duz gölünə kanalizasiya suyu axıdılır? - Qurumlardan REAKSİYA

19 Aprel 2025 19:48

Baxış: 1 757

VTB-də minimal faiz dərəcəsi ilə nağd kredit 9.9%-dən

#KANALİZASİYA

Abşeron rayonu, Mazazır qəsəbəsi ərazisində yerləşən duz gölü ilə bağlı narazılıqlar bitmir.

Milli.Az xəbər verir ki, vətəndaşlar iddia edir ki, gündəlik həyatda istifadə etdiyimiz duzun mənbəyi Masazır duz gölünə axıdılan kanalizasiya xətləridir.

Sakinlərin sözlərinə görə, o ərazidə olan binalar, obyektlərin çirkabları məhz həmin gölə axıdılır.

Məsələ ilə bağlı Milli.Az-a ekoloq Rövşən Abbasov bildirib ki, bütün bunlar təbiətə qarşı törədilən amansızlıqdır və problem tezliklə həllini tapmalıdır.

"Bu göl müalicə mərkəzi olmaqla yanaşı həm də çox gözəl estetik görüntüsü var. Əvvəllər insanlar bu gölü müalicə məqsədi ilə istifadə edirdilər. Gölün duzunda müalicəvi xüsusiyyətlərə malik elementlər var. Gölə gələn çirkab sular dərhal dayandırılıb, bərpasına başlanılmalıdır".

Sözügedən problemlə bağlı Masazır Duz Zavodundan bildirildi ki, göldən daima analizlər götürülür.

"Həm AQTA, həm də ETSN-i tərəfindən götürlən analizlərin nəticələrinə əsasən, mənfi hala rast gəlinməyib. Qeyd olunan həmin su axıntısı Zəli gölündən axır. Bu da 100 ildir ki, duz gölünü təbii qidalandırır".

İri Şəhərlərin Birləşmiş Su Təchizatı Xidməti isə bunun çirkab su olduğunu inkar etməyib. Qurumdan bildirildi ki, hazırda əməkdaşlarımız ərazidə araşdırma işləri görür. Axıntının qarşısını almaq üçün işlər icra edilir.

Aysel Əkbər

Milli.Az