Cəmiyyət

Bu şəxslərin sığorta stajlarının hesablanma qaydasını Nazirlər Kabineti müəyyənləşdirəcək

7 Aprel 2025 14:03

Baxış: 1 463

VTB-də minimal faiz dərəcəsi ilə nağd kredit 9.9%-dən

#CƏMİYYƏT #NAZİRLƏR KABİNETİ

Mülki aviasiya uçuş və uçuş-sınaq heyətində işləyənlərin sığorta stajlarının hesablanma qaydasına dair qanunvericilik dəyişir.

Trend xəbər verir ki, bu məsələ Milli Məclisin Əmək və sosial siyasət komitəsinin bu gün keçirilən iclasında müzakirə olunan "Əmək pensiyaları haqqında" Qanunda dəyişiklik edilməsi barədə qanun layihəsində öz əksini tapıb.

Mövcud qanunvericiliyə əsasən, bu sahədə işləyən şəxslərin pensiya hüququnun təmin olunması üçün bəzi əsaslar Nazirlər Kabinetinin müxtəlif qərarları ilə müəyyən edilir.

Təklif olunan dəyişikliyə əsasən, bu hüquqi əsasların vahid qanunvericilik sisteminə uyğunlaşdırılması məqsədilə mülki aviasiya uçuş və uçuş-sınaq heyətində işləyənlərin sığorta stajlarının hesablanması qaydası da Nazirlər Kabinetinin müxtəlif qərarları ilə müəyyən ediləcək.

Milli.Az