Cəmiyyət

Sahurda bunları yeyin

6 Mart 2025 11:57

Baxış: 1 589

VTB-də minimal faiz dərəcəsi ilə nağd kredit 9.9%-dən

#RAMAZAN #QİDA

Ramazanda sahur yeməyi gün boyu enerjili və tox qalmaq üçün böyük əhəmiyyət kəsb edir. Sahurda yemək oruc tutma prosesini daha sağlam və rahat keçirməyə kömək edir. Sahur etməyənlər günboyu yorğun olur, bədəndə maddələr mübadiləsi zəifləyir.

Milli.Az qafqazinfo-ya istinadən xəbər verir ki, sahur zamanı susuzluğun qarşısını almaq üçün tərkibində bol su olan qidalar istehlak edilməlidir.

Sahurda həzm prosesini sürətləndirən meyvə-tərəvəzlərə və süd məhsullarına üstünlük verilməlidir.

Enerjinizi qorumaq üçün sahurda nə yemək lazımdır?

Yulaf əzməsi: Liflə zəngindir və uzun müddət tox saxlayır. Həmçinin həzm sistemini də dəstəkləyir.

Yumurta: Sahurda 1 və ya 2 qaynadılmış yumurta, omlet yemək həm uzun müddət tox tutur, həm də gün ərzində enerjinizi qoruyur.

Süd və qatıq: Kalsium və zülal baxımından zəngin olduğu üçün uzun müddət aclıq hissini azaltmağa kömək edir. Eləcə də az yağlı və az duzlu süd məhsulları da (pendir, kəsmik) gün ərzində enerjili qalmaq üçün faydalıdır.

Tam taxıl çörəyi: Ağ çörəkdən daha uzun müddət tox saxlayır. Buna görə də, sahurda tam buğda və ya çovdar çörəklərinə üstünlük verilməlidir.

Çərəzlər: Badam, qoz, fındıq kimi çərəzlər sağlam yağlar ehtiva edir və uzun müddət aclığı yatırmağa yardımçı olur.

Tərəvəzlər: Xiyar, pomidor və göyərti kimi tərəvəzlərdə su miqdarı çox olduğu üçün həm susuzluğu yatırır, həm də toxluq hissi yaradır.

Yoqurt: Tərkibindəki probiotik tərkibi ilə həzmi dəstəkləyir və uzun müddət tox qalmağınıza kömək edir.

Darçın: Sahurda suyunuza və ya bitki çayınıza darçın çubuğu atmaq qan şəkərinizin düşməsinin qarşısını alacaq və gün ərzində aclığınızı yatıracaq.

Milli.Az