Cəmiyyət

HB Güven Klinikasından ŞİKAYƏT: 11 aylıq körpənin başına gələnlər - İDDİA

10 Yanvar 2025 14:20

Baxış: 1 672

VTB-də minimal faiz dərəcəsi ilə nağd kredit 9.9%-dən

#KLİNİKA #UŞAQ #ŞİKAYƏT #XƏSTƏXANA

Bakıda yerləşən HB Güven Klinikasında 11 aylıq uşağını xəstəxanaya aparan Sona Nəbiyeva xoşagəlməz hallarla rastlaşıb.

Milli.Az xəbər verir ki, ana körpənin yüksək temperaturu ilə əlaqədar klinikanın təcili xidmət şöbəsinə müraciət edib və orada yaşadığı bəzi mənfi hallarla bağlı olan şikayəti təqdim edirik:

İddialara görə, tibb bacısı uşağın damarını tapa bilməyib və 20 qramlıq iynə şprisi ilə damar deşilib. Bu zaman qan fışqıraraq qolu sıxılıb və tupikə toplanıb. Ayrıca qan nümunələri anaya verilib və laboratoriyaya aparılması tapşırılıb. Nəticələr isə telefonla bir neçə dəfə əlaqə qurulmasına baxmayaraq, operativ şəkildə göndərilməyib.

"Səhəri gün qeyd edilmiş nömrələrə 10 dəfə zəng etmişəm, bəzisində dəstəyi götürüb yerə qoyurdular. Sonunda bir nəfər açdı, dedim nəticəni göndərmədiz. Deyir çıxıb nəticə. Deyirəm bəs göndərmədiz? Deyir mail yoxdursa göndərmirik. Axı məndən mail istənilməmişdi, uşaqla necə çıxıb gəlim?"

İlk dəfə təcili yardımda olduğunu bildirən ana damarı telefon işığı ilə axtarılmasından, 20 qramlıq iynə şprisi ilə 11 aylıq uşağın damarının deşilməsindən, qan tupiklərin ananın əlinə verib apar laboratoriyaya yönləndirilməsindən xidmətləri işçi yox anaya gördürülməsindən, operativliyin olmamasından narazıdır.

Qeyd edək ki, şikayətçi sözügedən məsələ ilə bağlı Azərbaycan Respublikası Səhiyyə Nazirliyi-nə müraciət edəcəyini də bildirib.

Məsələ ilə bağlı klinika ilə əlaqə saxlamağa çalışsaq da təəssüf ki, əlaqə saxlamaq mümkün olmadı.

Asya
Milli.Az