Cəmiyyət

Bakıda elektron tablolu 450 dayanacaq quraşdırılacaq

25 May 2010 13:18
Baxış: 376
VTB-də minimal faiz dərəcəsi ilə nağd kredit 9.9%-dən
İctimai nəqliyyatda yeni standartların tətbiqi ilə bağlı Azərbaycanda Nəqliyyatın intelektual idarəetmə sistemi" layihəsi həyata keçiriləcək.

Milli.Az-ın verdiyi xəbərə görə, bu barədə Nəqliyyat Nazirliyinin şöbə müdiri Sədrəddin Məmmədov ANS-ə məlumat verib.

Onun sözlərinə görə, layihənin icrasına gələn ilin ortalarında başlanacaq. Layihə çərçivəsində ictimai nəqliyyatın hərəkətinin idarə olunması, tıxacların aradan qaldırılması və üçüncü mərhələdə vahid ödəniş sisteminin yaradılması nəzərdə tutulub.

Layihə ilə bağlı olaraq Bakıda elektron tablolarla təchiz olunmuş 450-ə yaxın dayanacaq quraşdırılacaq. Dayanacaqda avtobus gözləyənlər onlara lazım olan avtobusların neçə dəqiqədən sonra gələcəyini öyrənə biləcəklər. Bu sistemin köməyi ilə tıxaclar, qış mövsümündə buz bağlamış yollar, taksi və avtobusların hansı dayanacaqda olması barədə məlumatlar veriləcək. Yeni quraşdırılacaq işıqforlar isə nəqliyyat vasitələrinin hərəkətə başlama müddətini qabaqcadan bildirəcək.

Gələn ilin sonlarında isə avtobuslarda ödənişin plastik kartlarla həyata keçirilməsinə start veriləcək.

Qeyd edək ki, Azərbaycan və Cənubi Koreyanın Nəqliyyat Nazirlikləri arasında imzalanmış "nəqliyyatın intellektual idarəetmə sistemi"nin yaradılması haqqında sazişə əsasən, bu tədbirlərin həyata keçirilməsinə ilkin mərhələdə 80 milyon manat tələb olunur.

Milli.Az
Azernews Newspaper

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.