Cəmiyyət

Allahın "əs-Seyyid" adının mənası

4 Dekabr 2023 04:00
Baxış: 1 172
VTB-də minimal faiz dərəcəsi ilə nağd kredit 9.9%-dən
#DİN

əs-Seyyid sözü ağalıq edən, idarə edən deməkdir. Allahın əs-Seyyid adı Peyğəmbərin hədisində zikr edilir. Abdullah ibn Şixxir demişdir: "Mən Amir oğul­la­rından bir dəstə ilə birgə Peyğəmbərin - ona və ailəsinə Allahın salavatı və salamı olsun - yanına gəldim. Onlar Peyğəmbərə: "Sən bizim seyidimizsən!" O isə: "əs-Seyyid Allahdır!"- dedi. Onlar de­di­lər: "Sən həm fə­zi­lət, həm də əliaçıqlıq baxımından bizdən üstünsən!" O bu­yurdu: "Sö­zünüzü deyin! Qoy şeytan sizi öz havadarlarına çe­vir­məsin." (əl-Buxari, Ədəbul-Mufrad, 211). Yəni dininizin sizə buyurduğu sözləri deyin və ifrata varmayıın. Hədislərin birində Ənəs ibn Malik rəva­yət edir ki, bir dəfə bir nəfər Peyğəmbərə dedi: "Ey Muhəmməd! Ey seyidimiz və seyi­dimizin oğlu, xeyirlimiz və xeyirlimizin oğlu!" Onda Peyğəmbər belə buyurdu: "Ey in­sanlar, Allahdan qorxun! Şeytan sizi öz yoluna çəkməsin. Mən Ab­dullahın oğlu Muhəmmədəm, Allahın qulu və rəsuluyam. Vallahi,  mən istəmirəm ki, siz məni Allahın məni yüksəltdiyi məqam­dan daha yüksək tutasınız" (Musnəd İmam Əh­məd, 3/153).
əs-Seyyid olan Allah bütün yaratdıqlarına ağalıq edən, bütün işləri idarə edən və yoluna qoyandır. Göylərin və yerin səltənəti Onun əlindədir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.