Cəmiyyət

Millət vəkili: "7-8 uşaqdan sonra qəhrəman ana statusu verilə bilər”

21 Noyabr 2023 18:23

Baxış: 1 465

VTB-də minimal faiz dərəcəsi ilə nağd kredit 9.9%-dən

#CƏMİYYƏT #MİLLƏT VƏKİLİ #UŞAQ #DEPUTAT

"Bu gün həm deputatları, həm də cəmiyyəti narahat edən məsələ pensiya yaşıdır. Bir hissə yuxarı qaldırılmasından, bir hissə isə aşağı olmasından şikayətlənir".

Milli.Az report-a istinadən xəbər verir ki, bunu Milli Məclisin deputatı Siyavuş Novruzov parlamentin bu gün keçirilən plenar iclasında deyib.

Deputat misal çəkərək bildirib ki, elm adamları, müəllimlər və s. düşünür ki, insan 65 yaşında daha təcrübəli olur, o yaşda pensiyaya çıxmamalıdır.

"Bir hissə də var ki, özəl sektorda işləyir, yaxud işsizdir və pensiyaya çıxmaq zamanını gözləyir. Neçə faizin pensiya yaşının aşağı və ya yuxarı olmasından şikayətləndiyi statistik olaraq çıxarılsa, yaxşı olar", - o deyib.

S. Novruzov hesab edir ki, uşaqlar üçün sosial təminatın verilməsi mərhələli şəkildə həyata keçirilsə, daha məqsədəuyğun olar:

"Daha 5 uşaqdan sonra hansısa sosial yardımlardan danışılmamalıdır. Həmçinin qəhrəman ana statusunu 10 uşaq dünyaya gətirmiş qadınlara verilir ki, fikrimcə bu say 7-8-ə endirilə bilər".

Milli.Az

Xəbərlərimizi WhatsApp kanalımızdan da oxuyun