Cəmiyyət

Araz çayı yenə aşıb-daşır

13 May 2010 14:01
Baxış: 430
VTB-də minimal faiz dərəcəsi ilə nağd kredit 9.9%-dən
Araz çayının suyu artıb. ANS-in təbii fəlakət baş verən Sabirabad rayonuna ezam olunmuş xüsusi müxbrinin məlumatına görə, bu barədə "Meliorasiya və Su Təsərrüfatı" ASC-nin sədri Əhməd Əhmədzadə bildirib.
Belə ki, Araz çayından gələn su bu gün saniyədə 142 kubmetr artıb ki, bu da ərazidə hələ də problemin yaşanacağından xəbər verir. Hazırda rayonda bəndbərkitmə işləri davam edir.

Əhməd Əhmədzadə Saatlı rayonunda Sarısu gölündə yaranmış vəziyyətə aydınlıq gətirib: "Sarısu gölünün yaxınlığındakı kollektorun yan tərəfində yuyulma var idi. Hazırda orada təmir işləri aparılır. Suyun insanlara ziyan vurmaması üçün biz onu Mil-Muğan kollektoruna yönəltmişik. Hazırda Sarısuda qəzanın aradan qaldırılması istiqamətində işlər aparılır. Orada ciddi bir problem yoxdur".

Xatırladaq ki, bu gecə Sarusu gölünün suyunun daşması nəticəsində su bəndləri yarıb. Nəticədə rayonun Nərimankənd, Qasımbəyli, Hacıqasımlı, Məzrəli, Dəllər, Naharlı və məcburi köçkünlərin məskunlaşdığı şəhərcik üçün ciddi təhlükə yaranıb. Artıq rayonun Naharlı, Məzrəli, Nərimankənd və məcburi köçkünlərin yaşadığı şəhərciyin əhalisi evakuasiya olunub

Milli.Az
Azernews Newspaper

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.