Cəmiyyət

Ağdaşda tibb məntəqəsi bərbad vəziyyətdədir - VİDEO

12 Dekabr 2022 19:56

Baxış: 1 370

VTB-də minimal faiz dərəcəsi ilə nağd kredit 10.49%-dən

#VİDEO

Dörd kəndin sakinlərinə xidmət edən Ağdaş rayonu, Qaradeyin kənd Ailə Sağlamlıq Mərkəzinin binası bərbad vəziyyətdədir.

Milli.Az Xəzər Xəbər-ə istinadən xəbər verir ki, ötən əsrin 70-ci illərində istifadəyə verilmiş məntəqənin otaqları insanı dəhşətə gətirir.

Sakinlərin sözlərinə görə, dəfələrlə aidiyyəti üzrə müraciət etsələr də, nəticə yoxdur.

Mövcud vəziyyət ucbatından bəzən xəstələr rayon mərkəzindəki tibb müəssisəsinə aparılır. Vaxt itkisi baxımından isə bu çox risklidir.

Məsələ ilə bağlı Ağdaş Rayon Mərkəzi Xəstəxanasından şifahi olaraq bildirildi ki, ilkin səhiyyə xidməti strukturlarında təkmilləşdirilmə işləri aparılır: "Poliklinikaların və kənd sahə xəstəxanalarının bazasında Ailə Sağlamlıq mərkəzləri yaradılıb, ''ailə həkimi'' modelinin tətbiqinə başlanıb. Bu işlərin davamı olaraq kənd məntəqələrinə rayon mərkəzi xəstəxanalarından səyyar tibbi briqadalar cəlb edilir və tibbi müayinələr təşkil edilir. Qaradeyn kəndində yerləşən Ailə Sağlamlıq Mərkəzi 10 min nəfərə xidmət göstərir. Mərkəzin yaxın müddətdə təmir olunması nəzərdə tutulur''.

Xezerxeber.az mövzu ilə bağlı daha ətraflı videomaterialı təqdim edir:

Milli.Az