Cəmiyyət

Əhmədlidə bu küçə zibilliyə çevrilib - VİDEO

20 Avqust 2022 08:28
0 Şərh     Baxış: 1 014
VTB-də minimal faiz dərəcəsi ilə nağd kredit 9.9%-dən
#CƏMİYYƏT

Bakının Əhmədli qəsəbəsi, Sarayevo 18 ünvanında yaşayan sakinlər həyətlərindəki zibillikdən narazıdırlar.

Bu barədə onlar Real tv-yə video-şikayət göndəriblər.  

Belə ki, həmin ərazidəki zibillər vaxtında yığılmadığından tullantılar və onların pis qoxusu hər tərəfə yayılır.

Sakinlər qeyd edib ki, binaların qarşısında zibil qutularının bloklara yaxın məsafədə yerləşdirilməsilə yanaşı, onların sayı da çoxdur: "Bu ərazidəki bütün məişət və ticarət obyektləri, apteklər, eləcə də mağazalar zibillərini məhz bura atır. Nəticədə tullantılardan çıxan pis qoxu ən yüksək mərtəbələrə qədər qalxır. Pəncərələri açıb hava ala bilmirik".

Məsələnin araşdırılması məqsədilə Xətai rayon Mənzil-Kommunal Təsərrüfat Birliyinə müraciət edilib. Qurumun baş mühəndisi Sahib Babayev bildirib ki, Bakının bir çox rayonlarında tullantıların yığılması, daşınması və çeşidlənməsi ilə bağlı layihə tətbiq olunmağa başlayıb: "Bütün narazılıqlar mərhələli şəkildə aradan qaldırılacaq. Çalışacağıq ki, bu sahədə sakinlərin heç bir problemi qalmasın". 

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.