Cəmiyyət

Samuxda sakinlər yeni evlərinə köçə bilmir - SƏBƏB - VİDEO

19 Avqust 2022 18:45
0 Şərh     Baxış: 560

Samuxda qazilər, veteranlar və şəhid ailələri üçün tikilmiş yeni yaşayış kompleksindəki evlərin hamısı yeni sahiblərinə paylanıb, amma insanlar köçməyə tələsmir. Səbəb məktəb, bağça və və tibb məntəqəsinin fəaliyyətə başlamamasıdır. Yeni şəhərcikdə bu qurumlar üçün inzibati binalar inşa olunsa da, onların da fəaliyyətə başlaması məsələsi həllini tapmır. 

Milli.Az Xəzər Xəbər-ə istinadən xəbər verir ki,rəsmi açılış mərasimi keçirildi, dövlət tərəfindən inşa olunmuş evlərdəki mənzillər imtiyaz qrupundan olan sahiblərinə paylandı. Ancaq yeni yaşayış komleksindəki evlərin az bir hissəsində yaşayış var. Söhbət Samux rayonunun Seyidlər kəndi yaxınlığında yeni salınmış yaşayış kompleksindən gedir.

Sakinlər deyir ki, ev alanların əksəriyyəti köçməyə tələsmir, köçənlərin bir hissəsi isə sonradan geri qayıtmaq məcburiyyətində qalır.

Samux Rayın İcra Hakimiyyətinə müraciət edən sakinlərə deyilib ki, sözgedən müəssisələr balansa verilmədiyindən qurum tərəfindən hansısa tədbirin görülməsi mümkün deyil.

Gəncə-Daşkəsən Regional Təhsil İdarəsinin Samux rayonu üzrə Təhsil sektorundan isə məktəb və bağçanın fəaliyyətə başlaması istiqamətində iş aparıldığı bildirilib.

Qeyd edilib ki, məktəbin fəaliyyət göstərməsi üçün yetərli şagird sayı olmasa qonşuluqdakı Seyidlər kənd tam orta məktəbinə şagirdlərin gedib gəlməsi üçün nəqliyyat vasitəsi ayrılacaq.

Milli.Az

13,99%-dən 40 000 AZN-dək zaminsiz, komissiyasız KREDİT
Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics