Cəmiyyət

Məhv edilən hərbi texnika, onlarla yaralı və ölü, itirilən yüksəkliklər - ermənilər dərs çıxarmır

4 Avqust 2022 12:44
Baxış: 2 761

Məhv edilən hərbi texnikalar, onlarla yaralı və ölən, itirilən strateji yüksəkliklər, mövqelər - son insidentdən sonra Ermənistanın növbəti "qazancı" bunlardan ibarət oldu. Bəli, erməni tərəfi bir az da olsa rasional düşünsəydi, avqustun 3-də bütün bu biabırçılıqlardan qaça bilərdi. Lakin görünən odur ki, Nikol Paşinyan və onun ətrafı hələ də 44 günlük müharibədən dərs çıxarmayıb. Bu səbəbdən də növbəti dəfə bağışlanılmaz səhvə yol verdilər.

O və komandası Ermənistanın sanki Nensi Pelosi, Azərbaycanın isə Çinin son xəbərdarlığı ölkəsi olduğuna inanırdı. Rəsmi Bakı çoxdan və dəfələrlə israrla xəbərdarlıq edib, nəsihət edirdi, lakin ermənilər iki il əvvəl olduğu kimi, bu mövqeyi zəiflik kimi qəbul etdilər. Avqustun 3-də açıq şəkildə Laçın yolunun yeni marşrutuna keçməkdən imtina edən Ermənistan Təhlükəsizlik Şurasının katibi Armen Qriqoryanın özünə inamlı bəyanatı buna sübut oldu. Halbuki, belə bir güvənin arxasında əsl güc dayanmalıdır. Lakin Ermənistan hakimiyyəti növbəti dəfə hərbi-siyasi resurslarla bir qədər səhv hesablama aparıb, beynəlxalq vəziyyəti düzgün qiymətləndirmədi. 2020-ci ildə olduğu kimi.

18 yaşlı çağırışçı əsgər Anar Kazımovu şəhid etmək gözlənildiyi kimi Ermənistana sonda baha başa gəldi. Nə Rusiya, nə İran, nə də uzaq Fransa erməniləri Azərbaycanın qisasından xilas edə bilmədi. Böyük siyasət dünyasında liderlərin gücü, resursları və xarizması hər şeyi həll edir, Ermənistana bayrağının rəngində hədiyyə olunan corablar yox. Bəli, 3 avqust Azərbaycan ordusu üçün daha bir uğurlu gün kimi tarixə düşdü. Türk "göyərçinləri" qanadlarını uzatdı, xüsusi təyinatlılar isə təlimlər zamanı daim hazırladıqları işləri yerinə yetirdilər - düşməni zərərsizləşdirib, yeni strateji mövqelər tutdular.

Azərbaycanın Müdafiə Nazirliyi öz tələblərini aydın şəkildə ortaya qoydu: Rusiya sülhməramlı kontingentinin müvəqqəti məsuliyyət zonasının demilitarizasiyası, bura həm Ermənistan Silahlı Qüvvələrinin dərhal çıxarılması, həm də yerli quldur dəstələrinin tərksilah edilməsi daxildir. Burada və indi yerinə yetirilməli olan bu şərtlər müzakirə olunmur. Qərar qəbul etmək üçün getdikcə daha az vaxt var və hər itirilmiş danışıqlar günü başqa bir döyüş günü demək olacaq. Bakı İrəvanı piştaxtanın üstünə qoydu, saat da artıq işlənir.

Kamran Seyidov
Milli.Az

Məqaləyə dair fotomateriallar:

13,99%-dən 40 000 AZN-dək zaminsiz, komissiyasız KREDİT

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics