Cəmiyyət

Orxan Fikrətoğlu ƏSƏBİLƏŞDİ: "Sakit olun. Mən yemək bişirməyəcəyəm"

13 May 2022 09:48
4 Şərh     Baxış: 3 072

Xəbər verdiyimiz kimi, Milli Kulinariya Mərkəzinin baş direktoru Tahir Əmiraslanov vəzifəsindən azad edilib, onun yerinə tanınmış teleaparıcı Orxan Fikrətoğlu təyin edilib.

Milli.Az xəbər verir ki, O.Fikrətoğlu yeni təyinatı ilə bağlı "Facebook" hesabında paylaşım edib.

Paylaşımda deyilir: "Mən həm Dövlət Turizm Agentliyinə, həm Tahir Əmiraslanova milli irs zəminində yardım etmək fikrindəyəm. Tarixi, diplomatik və siyasi sahədə, əlbəttə ki! Buna ehtiyac var.

Kulinariya ancaq yemək demək deyil. Milli mədəniyyətin bir qoludur və dövlətin yumşaq siyasət yürütdüyü mühüm sahədir. Həyatına hirsli olanların, borcu-zadı olanların, ömürləri boyu gündəmdən kənarda qalanların mənim bu müvəqqəti seçimimlə bağlı ağızdolusu danışmaları əslində gözlənilən idi.

Azərbaycanın bir çox sahələrində intibaha ehtiyac var. Milli kulinariyanın digital formatda yeni TV variantda təqdimatı bütün dünyaya çıxarılacaq. Bu sahənin təhsil mexanizmi, nəhayət ki, qurulacaq. İctimai nəzarət mexanizmləri, şəffaflıq təmin ediləcək. Kulinariya bir çoxlarının fikrində, deyəsən, bozbaşxana kimi şəkillənib. Mən Dövlət Turizm Agentliyinə bu stereotipi dağıtmaqda Tahir Əmiraslanov və digərləri ilə birlikdə kömək edirəm.

Tahir Əmiraslanov hələ də Milli Kulinariya Mərkəzi Assosiasiyasının rəhbəridir. Mən də hər gün İTV-də verilişimi aparıram.

Beşinci kolona xidmət edən, Azərbaycanın inkişafında maraqlı olmayan bəzi boşboğazlara isə "Facebook"da dövlətini və məni sevənlər cavab verirlər. Sakit olun. Mən yemək bişirməyəcəyəm. Heç xəstəliyim səbəbindən yeyə də bilməyəcəm. Əlbəttə ki, kulinariya mənim sahəm deyil. Amma bir vaxtlar kino və TV də mənim sahəm deyildi. Sonralar oldu.

Bacarırsınızsa, bu sahədə bizə kömək edin. Bacarmırsınızsa, kasada qurd axtarmayın. İcazə verin, bütün sahələri salavatlayaq".

Milli.Az

40 000 AZN-dək krediti ONLAYN sifariş et!

Şərh yaz:

4 Şərh:

  • Anonim
    fira · 13 May 10:3221

    Gərəksiz oluruq biz,səhv düşəndə yerimiz

    Cavab yaz
  • Anonim
    Sevinc · 13 May 13:1810

    Əla

    Cavab yaz
  • Anonim
    Islamova Sahnazr · 13 May 14:4410

    Orxan bey , Size yeni isinizde müvəffəqiyyətlər arzu edirəm . Azərbaycanda hər bir sahədə Orxan bəylərə ehtiyac çoxdur .

    Cavab yaz
  • Anonim
    ALEKS❤️ · 13 May 20:0700

    Təyinatının yenə də bir ,,müəmmadır,,.Siyasət hara...kulinariya hara...Bu bir aksiomadır.

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics