Cəmiyyət

Efirdən qərib düşən Azər Qəribov AzTV-də - VİDEO - FOTO

2 Fevral 2022 15:04

0 Şərh Baxış: 2 534

VTB-də minimal faiz dərəcəsi ilə nağd kredit 9.9%-dən

#CƏMİYYƏT #VİDEO

Bir müddətdir verilişləri televiziya ekranlarından qərib düşən tanınmış jurnalist Azər Qəribov AzTV ilə əməkdaşlığa başlayıb.

AzTV-nin Sosial media və ictimaiyyətlə əlaqələr şöbəsinin məlumatına görə, səfər etdiyi ölkələrdə başına gələn əhvalatları tamaşaçıya yumor dili ilə çatdıran jurnalistin verilişi "Oralar" adı ilə yayımlanacaq.

Milli.Az bildirir ki, 2003-cü ildən səyahət verilişləri aparan Azər Qəribovun AzTV-də efirə gedəcək proqramında yeniliklər olacaq.

Bu barədə açıqlama verən jurnalist deyib ki, veriliş videobloq formatında çəkiləcək: "Əvvəllər kadrarxası mətnlərə üstünlük verilirdisə, indi daha çox yerindəcə söhbətlər olacaq. Əvvəllər musiqiyə daha çox önəm verilirdi, amma indi elə olmayacaq".

A.Qəribov efirə qayıdışının ilk səfərini Türkiyənin Antalya bölgəsinə edib. İlk veriliş də məhz bura ilə bağlı olacaq: "Məqsədimiz Antalyada payız-qış aylarında istirahəti göstərməkdir".

"Oralar"ın ayda iki yeni buraxılışının efirə verilməsi nəzərdə tutulur.

İlk buraxılış fevralın 5-i saat 16:30-da AzTV-də yayımlanacaq.

Milli.Az