Cəmiyyət

Azərbaycanda elektromobillərə maraq niyə azdır? - Ekspert SƏBƏBLƏRİ açıqladı

8 Dekabr 2021 12:30
0 Şərh     Baxış: 839
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Son illərdə bütün dünyada elektrormobillərə maraq birə-beş artıb. Bunun əsas səbəbi sözügedən avtomobillərin ekoloji cəhətdən daha zərərsiz olmasıdır.

Ölkəmizdə də, elektrormobillərdən istifadənin stimullaşdırılması istiqamətində müəyyən tədbirlər görülür. Lakin...

"Azərbaycanda elektrormobillərlə bağlı vəziyyət heç də ürəkaçan səviyyədə deyil", - deyə avtomobil eksperti Elməddin Muradlı Bizim.Media-ya verdiyi müsahibəsində fikirlərini bölüşüb.

Ekspert elektromobillərdən ölkəmizdə nadir hallarda istifadə olunmasına bir neçə səbəblə əlaqələndirib:

1. Vətəndaşların bu tip maşınlara inamı azdır. Çünki elektromobillər üçün, enerjidoldurma məntəqələri, servis xidmətləri, peşəkar usta kontingenti kimi həllini gözləyən məsələlər mövcuddur. 

2. Onların ölkəyə gətirilməsi üçün rüsumlar da yüksəkdir və düşünürəm ki, bu ümumiyyətlə ləğv olunmalıdır. Bu vətəndaşların elektrik enerjisi ilə çalışan avtomobillərə marağını daha da artırar. Hazırda Azərbaycanda 100 min manatlıq maşın ölkəyə gətirildikdə 15 min manat vergi və rüsum tələb olunur.

3. Bu cür avtomobillərin qiyməti bahadır. "Tesla" kimi bahalı markaların avtomobillərinə bu qədər məbləğ ödəmək əhalinin böyük əksəriyyətinin cibinə uyğun deyil. Bu səbəbdən də, Azərbaycanda hibrid avtomobillərə daha çox üstünlük verilir. Onların əksəriyyətinin qiyməti isə, 12-20 min manat civarındadır. Eyni zamanda bundan daha yüksək məbləği ödəmək istəyən şəxslər, əksinə daha böyük mühərrik həcmi olan avtomobillərə yönəlirlər. 

Elməddin Muradlı dünya təcrübəsindən örnəklər verərək, elektromobillərə marağın hansı metodlarla artırıla biləcəyinə də aydınlıq gətirib:

"Bizim qanunvericilikdə və Prezident İlham Əliyev tərəfindən imzalanmış inkişaf proqramında bu məsələ öz əksini tapıb;  Elektromobillərin ölkəyə gətirilməsi stimullaşdırılmalıdır. Bunun üçün çox böyük güzəştlərə ehtiyac var. Dünya təcrübəsində stimullaşdırma istiqamətinə müxtəlif kreativ addımlar atılır və bu təcrübələri öyrənmək lazımdır. Məsələn, Almaniyada, İsveçrədə elektomobil aldıqda vətəndaşlara əlavə olaraq pul ödənilir ki, evlərinin yaxınlığında enerji doldurmaq üçün cihaz quraşdırsınlar. Bunun üçün lazımi məbləğ, bizim valyuta ilə təqribən 2 min manat civarındadır. Onun 1200 manata yaxın hissəsini dövlət ödəyir". 

Ekspert elektromobillərlə bağlı iqtisadiyyat nazirinin müavini Sahib Ələkbərovun "İşğaldan azad olunmuş ərazilərdə əsasən elektrormobillərdən istifadə olunacaq" fikrini də yüksək qiymətləndirib.

Elməddin Muradlının fikrincə, bu istiqamətdə gec olmadan təbliğat və stimullaşdırıcı işlərin aparılması vacibdir.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.