Mum və ülgüc yoxdur: Asiyalı qadınların tüklərdən xilas olma formulu

Arzuolunmaz tüklərdən xilas olmaq problemi ilə qarşılaşdıqda ağla ilk gələn həll yolları çox vaxt mum, ülgüc və ya tük tökən kremlər olur. Lakin dəridəki arzuolunmaz tüklərdən qurtulmaq üçün mütləq bu üsullara əl atmaq lazım deyil. Asiyalı qadınların sirri olan tək bir üsulla bu problemdən xilas ola bilərsiniz.

Milli.Az xəbər verir ki, yay aylarının gəlişi nazik geyimlərin və çimərlik mövsümünün açılması ilə birlikdə şəxsi qulluq qaydaları yenidən aktuallaşıb. Bu dövrdə bir çox insan kimyəvi tərkibli məhsullar və ya bahalı klinika seansları əvəzinə, ev şəraitində tətbiq edə biləcəyi iqtisadi və təbii alternativlərə üstünlük verir. Son günlər sosial mediada sürətlə yayılan və böyük maraq doğuran un və xardal yağı maskası arzuolunmaz tüklərdən xilas olmaq istəyənlərin diqqətini cəlb edib.

Modern dünyada yeni kəşf edilmiş kimi görünsə də, bu üsul Cənubi Asiya mədəniyyətində nəsildən-nəslə ötürülən ənənəvi bir gözəllik sirridir. Müntəzəm istifadə edildikdə tüklərin kökünü zəiflətməyi vəd edən bu təbii formula, xüsusilə ev şəraitində praktik qulluq etməyi sevənlərin sevimlisi halına gəlib.

Evdə təbii epilyasiya maskası necə hazırlanır?
Təbii bir epilyasiya maskası hazırlayıb arzuolunmaz tüklərdən qurtulmaq düşündüyünüzdən daha asandır.

Bir neçə yemək qaşığı un (adətən noxud unu və ya buğda unu üstünlük təşkil edir) və qatılıq yaratmaq üçün kifayət qədər təbii xardal yağı.

Un və xardal yağı bircinsli, çəkilə bilən məcun halına gələnə qədər təmiz bir qabda qarışdırılır.

Hazırlanan bu təbii məcun arzuolunmaz tüklərin olduğu bölgəyə nazik və bərabər bir qat şəklində çəkilir.

Qarışıq dəridə tamamilə quruduqdan sonra tüklərin çıxış istiqamətinin əksinə doğru barmaq ucları ilə yüngülcə ovuşduraraq (peelinq edirmiş kimi) dəridən təmizlənir.

Təbii epilyasiya maskası həqiqətən təsirliidirmi?
Maskanı ovuşduraraq təmizlədikdə, səthdəki nazik tüklərin bir hissəsi mexaniki olaraq məcunla birlikdə çıxır. Bu, tətbiqdən dərhal sonra dəridə anlıq və müvəqqəti hamarlıq hissi yaradır. Müntəzəm istifadə edildikdə isə tük köklərinin zəifləməsinə kömək etdiyi iddia edilir.

Xardal yağı quruluşu etibarilə dərini qızdıran və güclü komponentlərə sahib bir yağdır. Bu səbəbdən maskanı üzünüzə və ya bütün bədəninizə tətbiq etməzdən əvvəl mütləq biləyinizin iç hissəsində yoxlayın (allergiya testi edin). Hər hansı qızartı, yanma və ya qaşınma hiss etmirsinizsə, tətbiqə keçə bilərsiniz. Bundan əlavə, açıq yara, ekzema və ya qıcıqlanmış dəri nahiyələrinə bu qarışığı qətiyyən çəkməyin.

Müəllif: Ülkər Vəliyeva (Milli.Az redaktor)