Şou-biznes

“Dünyada yeganə xalqıq ki, müharibənin başlamasına sevindik“ - Mənsum İbrahimov

27 Sentyabr 2021 14:58
10 Şərh     Baxış: 2 154

Vətən müharibəsində qəhrəmancasına döyüşmüş, ölkəmizin ərazi bütövlüyü yolunda canlarını fəda etmiş əsgər və zabitlərimizə, bütün şəhidlərimizə dərin ehtiram əlaməti olaraq bu gün Azərbaycanda Anım Günü qeyd edilir.

Milli.Az yenisabah.az-a danışan Xalq artisti Mənsum İbrahimov Anım Gününü zəfər və iftixar günü kimi qeyd etdiyini bildirib:

"Biz bu günü 30 ildir ki, gözləyirdik, düz 30 il idi ki, yurdumuza həsrət qalmışdıq. Həmişə işğal olunan ərazilərimizin yaxınlığındakı kəndlərə gedirdik, oradan o taya, Şahbulaq Qalasına baxırdıq və qayıdıb gəlirdik. Ora keçə bilmirdik, hər zaman Ali Baş Komandanımızın verəcəyi bu qərarı gözləyirdik. Keçən ilin bu günü Ali Baş Komandanımız bu əmri verdi, hər kəs sevindi. Bəlkə də dünyada yeganə xalqıq ki, müharibənin başlamasına sevindik. Dünyada müharibəyə heç kim sevinmir, amma biz 30 il bu günü gözləmişdik ki, torpaqlarımızı azad edək. Sevincimizin səbəbi də məhz bu idi, 44 günü də həyəcanla izlədik. Keçən ilin bu günü Azərbaycan Zəfər tarixinin başladığı gündür. 44 gün ərzində igidlərimiz Qarabağda tarix yazdılar. Mən bütün şəhidlərin ruhu qarşısında, qazilərimiz, müzəffər ordumuz qarşısında baş əyirəm, onlar bizə bu zəfəri yaşatdılar. Biz bundan sonra qalib, zəfər çalmış bir ölkə kimi yaşayacağıq. İnşallah, Qarabağımızı tezliklə qurub, oraya qayıdacağıq. Biz orada əbədi olaraq fəaliyyətimizə başlayacağıq".

Xatırladaq ki, bu gün saat 12:00-da ölkə ərazisində şəhidlərin əziz xatirəsi bir dəqiqəlik sükutla yad ediləcək. Axşam saatlarında isə xüsusi işıqlandırma ilə bir sıra binalarda, o cümlədən Heydər Əliyev Mərkəzinin binasının və "Alov qüllələri"nin üzərində Azərbaycan bayrağı əks olunacaq. Mərkəzi və yerli icra hakimiyyəti strukturları tərəfindən gün boyu silsilə tədbirlər təşkil ediləcək, eləcə də xarici ölkələrdə anım mərasimləri keçiriləcək.

Milli.Az

Şərh yaz:

10 Şərh:

  • Anonim
    Samire · 27 Sentyabr 17:2272

    Müharibenin başlanmasına sevinen, öz oğlunu da gönderer. Mensum bey, öz oğlunuzu da müharibeye gönderseydiniz bele sevinerdiniz?

    Cavab yaz
    • Anonim
      ..... · 27 Sentyabr 21:0220

      Qardaşı oğlu şəhid oldu bilmədən yazmayın..

      Cavab yaz
    • Anonim
      17:22-yə · 27 Sentyabr 21:5900

      Sən narahat olma, qardaşı oğlu müharibəyə gedib və şəhid oldu..

      Cavab yaz
      • Anonim
        Melek b · 28 Sentyabr 07:0821

        Samirə xanim düz vurquladi.Qardasi oqlu hərbici olub.Öz oqlu nəzərdə tutuldu.

        Cavab yaz
  • Anonim
    Esra ıbrahimli(Şamaxı) · 27 Sentyabr 19:1671

    Yalan palan danisma yeke kisisen neee sevinmek Men şexsen sevinmedim.Sevinerdim birinci nazirlerin deputatlarin varlilarin balalari gederdi öndə.Vallah onlar getseydi men xanim olarak könüllü gederdim. kaputulyasiya olacakdisa ele bu oqullari heyf etmezdide olardida .

    Cavab yaz
  • Anonim
    Zəndeyi · 27 Sentyabr 21:0350

    Zəhləmgetmiş

    Cavab yaz
  • Anonim
    Maqa · 27 Sentyabr 21:2161

    Muharibeyede hec sevinmek olarmi? En azindan fikirlewmek lazimdir ki axi nece ana gozu yawli qalacaq ne qeder uwaq yetim qalacaq cavan gelinlerimiz dul qalacaq! Sozu agizda biwirin sora daniwin! Ruslarin bir sozu var слова как воробей улетиш не поймаешь

    Cavab yaz
  • Anonim
    Tahir Manafov · 27 Sentyabr 22:2952

    Torpaq sənin ola ola başqaları vuruşdu.Sizə nə var ee havayıya gedib yaşayacaqsız.Olan imkansızlara,qeyrətlilərə oldu.Allah şəhidlərə rəhmət eləsin.

    Cavab yaz
  • Anonim
    Melek b · 28 Sentyabr 07:1233

    Mən muharibəyə sevinmədim.Sul yolu ilə cox istərdim alinsin amma bunu da deyim muharibəni bizlər başlatmadi.qarşisi alinmasa idi ikinci Xocali yaşanacaqdi.buna görədə Ordumuzun zəhməti böyukdu.Şəhidlərimizədə Allahdan rəhmət.Qazilərimizə Şəfa.Qalanlarinada can saqliqi arzulayiram.

    Cavab yaz
  • Anonim
    Həmişəki · 28 Sentyabr 12:4421

    Ifadəsiz baxışlar (((

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.