Şou-biznes

Tanınmışların Anım Günü ilə bağlı paylaşımları

27 Sentyabr 2021 13:46
14 Şərh     Baxış: 3 721

Bu gün Azərbaycanın Vətən müharibəsinə başlamasından 1 il ötür. Bununla bağlı sosial şəbəkələrdə müxtəlif paylaşımlar edilib, şəhidlərin xatirəsi anılıb.

Milli.Az axşam.az-a istinadən xəbər verir ki, tanınmış simalar da anım günü ilə bağlı paylaşımlar ediblər.

Xalq artisti Zülfiyyə Xanbabayeva "Bizdən sonra gələcək nəsillər üçün də əsrlər boyu yaddaşlarda qalacaq tarix yazdılar! Qəhrəmanlarımızı dünyaya gətirən analarımıza bir ömür boyu minnətdarıq. Allah sizə səbir versin. Şəhidlərimizə rəhmət eləsin!" deyə, paylaşımında yazıb.

Xalq artisti Aygün Kazımova "Vətən uğrunda canından keçən şəhidlərimizi hörmət və ehtiramla anırıq! Xalqımıza zəfər yaşadan qəhrəmanlarımızın ruhları qarşısında baş əyirik. Allah şəhidlərimizə rəhmət eləsin" sözləri ilə şəhidlərin xatirəsini anıb.

Xalq artisti Brilliant Dadaşova isə paylaşımında bunları qeyd edib:

"1 il keçdi... Çox ağır, kədərli günlər yaşadıq. Biz artıq ikinci dəfə müharibə yaşayırdıq. Artıq ürəyimizin yağı qalmamışdı. Çatlarla, çapıqlarla dolu ürəyimizdə Birinci Qarabağ müharibəsinin qorxusu var idi: Uğursuzluq qorxusu. Ali Baş Komandan İlham Əliyev, bizi qalib xalqa çevirdiyiniz üçün bu vətən sizə daima minnətdar olacaq. Həm birinci, həm də ikinci Qarabağ müharibəsində şəhid olan oğullar, yaralanan, həyatı faciəyə çevrilmiş bacı və qardaşlarımız, körpə balalar heç vaxt unudulmayacaq".

Xalq artisti Röya Ayxan isə paylaşımına "Düz bir il əvvəlin bu günü ordumuz tarix yazmaq üçün cəbhəyə yollandı. Qürurverici haldır ki, onlar 30 ilə yaxındır həsrətini çəkdiyimiz işğal altında olan torpaqlarımızı sonunda bizə qaytardılar. Bu uğurda iştirak etmiş, zəfər qazanmağımızda adı olan şəhidlərimizi yad edirik! Qazilərimizə şəfa, şəhid analarına səbr diləyirik. Qarabağ bizimdir! Qarabağ Azərbaycandır!" sözlərini əlavə edib.

Müğənni Elvin Abdullayev "Haqqınız ödənməz, nə etsək belə... Allahdan hər birinizə ruhunuz şad olsun deyirəm. Hər birinizi sevgiylə, ehtiramla anırıq, dəyərli qardaşlarımız!" sözlərini yazıb.

Müğənni Roza Zərgərli də sosial şəbəkədə bunla bağlı paylaşım edib. İfaçı "Bayraqları bayraq edən üstündəki qandır, Torpaq əgər uğrunda ölən varsa, Vətəndir! 27 sentyabr öz qanı, canı bahasına əzəli torpaqlarımızı bizə geri qaytaran qəhrəmanlarımızın - şəhidlərin anım günüdür. Bu gün həm də bizim üçün qürur yeri hesab olunan, alnımızı açıq, üzümüzü ağ edən, xarıbülbülü düşmən tapdağından azad edən, Cıdır düzünü, İsa bulağını bizə qaytaran 44 günlük müharibənin başlandığı tarixdir. Bütün bu sadaladıqlarımıza görə biz sizə borcluyuq, əziz Vətən övladları! Ruhunuz şad olsun!" deyə, bildirib.

Xalq artisti Məleykə Əsədova isə "Qarabaq Azərbaycandır! Şəhidlərimiz, qəhrəmanlarımız, igidlərimiz, yaddaşlarda, qəlblərdə ömürlük yaşayacaqsınız! Şəhidlərimizin ruhu qarşısında baş əyirəm! Bu igid oqulları dünyaya gətirən anaların qarşısında baş əyirəm. Azərbaycanımızı, rəşadətli ordumuzu, Ali Baş Komandanımızı, əsgərlərimizi Allah qorusun" sözləri ilə paylaşım edib.

Milli.Az

Şərh yaz:

14 Şərh:

  • Anonim
    Eugenia · 27 Sentyabr 13:5870

    Allah rehmet etsin, sehidlerimize!

    Cavab yaz
  • Anonim
    Madam_Madmazel · 27 Sentyabr 14:0260

    Allah rəhmət eləsin, bütün şəhidlərimizə! Gözləri yaşli analar, Allah səbr versin, hər birinizə. Hamimiz qarşinizda bir nəfər, kimi baş əyirik!

    Cavab yaz
  • Anonim
    Canim fəda vətənə · 27 Sentyabr 14:0850

    Allah rəhmət etsin, vətən uğrunda canindan keçən şəhidlərimizə!

    Cavab yaz
  • Anonim
    asi · 27 Sentyabr 14:2374

    Brilyant, mən əminəm ki, səndən başqa heç kimin ürəyində uğursuzluq qorxusu olmayıb..Əksinə müharibənin dayanması qorxusu olub..Heç birinci Qarabağ müharibəsinin də heç bir qorxusu olmayıb, sən də mirşahin kimi quşdama..

    Cavab yaz
  • Anonim
    Nara · 27 Sentyabr 14:2850

    Allah rəhmət etsin!

    Cavab yaz
  • Anonim
    ~Goy~Gozlu~ · 27 Sentyabr 14:3960

    Aranizda Ayguwum sadece eynine esger geyimi geyib eline silah alib muharibe vaxti....!

    Cavab yaz
    • Anonim
      Eugenia · 27 Sentyabr 15:3630

      He vaxt geldi verlishinde, danishmisdi.qehramanligini.

      Cavab yaz
      • Anonim
        Knn · 27 Sentyabr 18:2020

        Qoy bitaz kecsin bu müqenniler bu günüde unudacaqlar sorusanda bu gün ne günüdü bilmeyecekler hec sadece üstünden cemi 1 il ötüb

        Cavab yaz
  • Anonim
    M · 27 Sentyabr 19:5730

    yer üzündəki bütün sərhədlər hamısı zorakılıqla,işğalçılıqla meydana gəlib. insan bu planetdə tarix boyu həmişə işğalçı kimi,zorakı kimi yaşayıb. insan qəsbkar insandı zatına lənət. insanın bu planetdə heç nəyi yoxdu,heç bədəni də onun deyil,hamısı,hər şey bu ecazkar planetə məxsusdu. yuxardakı paylaşımları oxuduqca,fəxarətin,qürurun,qəhrəmanlığın,vətən sevgisinin nə qədər iyrənc bir şey olduğuna milyonuncu dəfə şahid oldum,insan olduğuma görə utandım,xəcalət çəkdim. əlbəttə,öz mənsub olduğum xalqa,millətə görə sevinməyə bilmərəm, mən də sevinirəm sizlər kimi. amma bu yazımı ümumiyyətlə insana xitab elədim,dünya insanına. mən missioner,kosmopolit,fılan deyləm,mənim adım,məsləyim yoxdu,yolum yoxdu,mən yolsuzluqdayam və insana görə utanıram. öldürmək və öldürülmək insan mədəniyyətinin təməlidir!

    Cavab yaz
    • Anonim
      Sirli... · 27 Sentyabr 22:3320

      Mən də eynən sənin kimi düşünürəm..Sanki özümü gördüm yazında...Dünya malına görə ölməyə,öldürməyə dəyməz..

      Cavab yaz
      • Anonim
        M · 28 Sentyabr 00:0100

        əlbəttə dəyməz. amma təəssüf ki, millət millətin düşmənidi, insan da insanın. insan düşmən insandı. maraqlar kəsişəndə qardaş da qardaşa düşmən olur. mən ona görə həmişə deyirəm ki, bu dünyanı nə sevgi xilas edəcək, nə dostluq, nə də qardaşlıq. bu dünyanı ancaq insanın yer üzündən silinmə təhlükəsi xilas edəcək. yoxsa əks təqdirdə insan insanı qıracaq burda. gələcəklə bağlı intuisiyam, fikirlərim, gözləntilərim o qədər də ürək açan deyil, çünki elm və texnologiyanın inkişafının ancaq məhvə apardığına əminəm. və bütün bunlar hamısı kənardan çox iyrənc və əcaib görünür.

        Cavab yaz
        • Anonim
          M ya · 28 Sentyabr 11:4900

          ,,Həyatinda ""ilk dəfədir düz yazdin.

          Cavab yaz
      • Anonim
        Fikirləşib danışmaq lazımdı · 28 Sentyabr 12:4911

        Nədi, indi torpaq əldən getsin ki, nədi nədi dünya malıdır, vecimizə almayaq. Biz ki, özgə torpağıyçun vuruşmuruq, halal bizə məxsus olana görədi mübarizəmiz.

        Cavab yaz
        • Anonim
          Sirli... · 28 Sentyabr 17:4901

          Evində şəhid halvası bişməyib,ağzın isti yerdədir. Ona görə də avazın yaxşı gəlir.Sən ancaq buralarda vuruşa bilərsən,cəbhədə yox!

          Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.