Şou-biznes

Keçmiş cangüdənindən Britni haqda gözlənilməz etiraflar

21 İyul 2021 01:55
0 Şərh     Baxış: 4 773
VTB-də minimal faiz dərəcəsi ilə nağd kredit 9.9%-dən
#MƏŞHURLAR

39 yaşlı müğənni Britni Spirsin məhkəmə işi ilə bağlı söz-söhbətlər bitmək bilmir.

Milli.Az axşam.az-a istinadən bildirir ki, bu dəfə ifaçının keçmiş cangüdəni danışıb. Keçmiş polis işçisi, 40 yaşlı Fernando Flores "The Sun"a açıqlama verib. Flores söhbət zamanı Britni ilə işlədiyi ərəfədə yaşananları etiraf edib.

"Hər həftə bir qadın gəlirdi və Spirsə psixi pozğunluq yaradan dərmanlar verirdi. Onlar arasında çox ağırları da var. Guya bunları onun əsəbləri sakitləşsin deyə verirdi. Amma elə deyildi. Əsəb sistemini məhv edib, onu özündən çıxarırdı. Eyni zamanda onun hamilə qalmaması üçün dərmanlar verilirdi" deyə, cangüdən bildirib.

Keçmiş polis işçisi Britninin ciddi nəzarətdə saxlanıldığını deyib. O bildirib ki, ifaçını ziyarətə gələn hər kəsin çantası yoxlanılırmış:

"Atası gündə neçə dəfə zəng edib maraqlanırdı. Hətta onun telefonuna da nəzarət edirdi. Əgər Britni nəsə istəyirdisə, əvvəlcə atasından icazə alınmalı idi. O, bikef olanda Ceyms Braunun "It's A Man's World" mahnısına qulaq asıb ağlayırdı. Bütün gününü idman otağında və ya televizora baxaraq keçirirdi".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.