Şou-biznes

“Adamlar var ki, bizim bağımız onların zirzəmisi boydadır” - Manaf Ağayev

12 Yanvar 2021 17:46

Baxış: 1 882

#ŞOU-BİZNES

Biz gündəmdəyik deyə, gözə tez dəyirik. Adamlar var ki, bizim bağımız onların zirzəmisi boydadır.

Milli.Az sfera.az-a istinadla xəbər verir ki, bu sözləri müğənni Manaf Ağayev "Birə-Bir" verilişində deyib.

Müğənni onu bahalı maşını və evinə görə tənqid edənlərə belə cavab verib:

"Hər kəs kimi müğənni də istəyir ki, gözəl evi, maşını olsun. Biz gündəmdəyik deyə, gözə tez dəyirik. Adamlar var ki, bizim bağımız onların zirzəmisi boydadır. Ancaq onların adları nədənsə heç çəkilmir.

Zəhmətlə özümə ev tikdirmişəm. Niyə bunu dillərə dastan edirsiniz? Elə vaxtlarım olub ki, yataqxanada yaşamışam. Bəs, niyə onda demirdiniz ki, bu cür oğlan yataqxanada yaşayır, buna bir ev alıb verək canı qurtarsın. Üzümü bizə bəxtəvərlik verən insanlara tutub deyirəm ki, sən də Allahdan istə, sənə də verəcək".

Milli.Az