Şou-biznes

Rahidəyə qarşı 30 MİNLİK DƏLƏDUZLUQ - Fikirdən arıqlayıb bu hala düşdü - FOTO

30 Avqust 2019 12:49
10 Şərh     Baxış: 3 314

"Yaman arıqlamısan. Nəyin dərdini çəkirsən?"

Milli.Az xəbər verir ki, bu sualla "5/5"in aparıcısı Zaur Kamal qonağı Rahidə Baxışovaya müraciət edib.

Evini təmir etdirmək istədiyini deyən Rahidə efirdə üstü örtülü də olsa ustanın ona qarşı fırılaqçılıq etdiyini "Evimi təmir etdirirdim, o da ki, belə... Usta ilə problem yaşandı" sözləri ilə diqqətə çatdırıb.

Aparıcı xanım ifaçının açıqlamaq istəmədiyi olayı "Camaatın 100 mini, 200 mini batır, sənin də 30 minin... Ona görə stresə düşürsən" ifadələri ilə gün üzünə çıxarıb.

Rahidə Zaurun sözlərinə verdiyi cavab ilə hər kəsi kövrəldib:

"O mənim üçün böyük bir məbləğdir. Mən çox çətinliklə o pulu qazanıram. Bu bir, iki günün əməyi, qazancı deyil. Mən illərlə qəpik-qəpik yığıram ki, balalarım üçün bir yuva qurum, bilirsiniz? Mən onlar üçün həm atayam, həm anayam. 

Hələ pulu almamışam. İndi iş hüquq-mühafizə orqanlarındadır. İnanıram ki, bu iş öz həllini tapar". 

Zaur xanım ifaçıya "Təmir başlamayıbsa pulu bəri başdan niyə verirsən?" sualı ilə müraciət edib.

Rahidə təmirdən öncə külli miqdarda pulu ustaya verməsinin səbəbini belə izah edib:

"Mən o qədər mərhəmətli insanam ki, hər kəsi özüm kimi bilirəm. Düşünürəm ki, mən bu insanı aldatmaram, bu insan məni necə aldada bilər. Mərhəmətli olduğum üçün mənim başıma hər zaman belə işlər gəlir". 

Məhəmməd Vaqif
Milli.Az

Məqaləyə dair fotomateriallar:

loading...

Şərh yaz:

10 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.