Şou-biznes

"Miss & Mister Grand Azerbaijan 2019"un möhtəşəm final mərhələsi baş tutdu - VİDEO - FOTO

23 İyul 2019 20:05
Baxış: 1 381

Elektra Events Hall-da Elxan Paşayevin təşkilatçılığı ilə Miss & Mister Grand Azerbaijan 2019 Milli Gözəllik/Model müsabiqəsinin möhtəşəm Final mərhələsi baş tutmuşdur. 

9 xanım və 9 bəy finalçı əsas nominasiyaların qazanılması uğrunda gərgin mübarizə aparıblar. Üç əsas çıxış mərhələsi üzrə münsiflər heyətindən, müsabiqənin idarə heyətindən və əldə olunmuş biletlərdən topladıqları ballar əsasında qaliblərin adları müəyyən olunub. Münsiflər heyətinin sədri tanınmış modelyer-dizayner, Milli Geyim Mərkəzinin rəhbəri, sənətşünaslıq üzrə fəlsəfə doktoru Gülnarə Xəlilova oldu. Müsabiqənin peşəkar xoreoqrafı Nərminə Ramazanova, aparıcı isə Elcan Rəhim olmuşdur. Müsabiqə finalçıları tamaşaçılara bir neçə parlaq dəfilə təqdim ediblər. Onlar eksklüziv dizayner geyimləri ilə podiuma çıxıblar. Geyimlər gənc və peşəkar dizaynerlər Mədinə Əhmədova və Səhər Hüseynova tərəfindən hazırlanmışdır. 

Yekunda finalçı xanımlar ziyafət geyimlərində, bəylər isə ciddi kostyumlarda podiumda peyda olublar.

Təşkilatçılar müsabiqəni finalçıların moda nümayişi ilə məhdudlaşdırmayıblar. Onlar kiçik viktorinalar da təşkil ediblər ki, finalçılar təsadüfi suallara cavab verərək öz bacarıqlarını nümayiş etdirsinlər.

Münsiflərin toplantısından və səslərin sayılmasından sonra əsas nominasiyalar üzrə qaliblərin adları açıqlanıb. Miss Grand Azerbaijan 2019 tituluna Rövşanə Süleymanova sahib olub. Mister Grand Azerbaijan 2019 Maarif Kərimli olub. 1st runner up Miss Grand Azerbaijan 2019 adını Jalə Həsənova qazanıb. 1st runner up Mister Grand Azerbaijan 2019 Zeynalabdin Xudiyev olub. Üçüncü yeri və 2nd runner up Miss Grand Azerbaijan 2019 adı Şəlalə Abdullayeva, 2nd runner up Mister Grand Azerbaijan 2019 adı isə Arslan Niyazi - yə verilib.

Digər iştirakçılar isə 3rd runner up, Miss/Mister Grand Photomodel 2019, Miss/Mister Grand Catwalk 2019, Miss/Mister Grand Physic 2019, Miss Grand Sharm 2019 və Mister Grand Style 2019 nominasiyalarında mükafatlar alıblar.

Gecənin qonaqlarına maraqlı musiqi proqramı təqdim edilib, müsabiqə After party Enerji Baku-da olmaqla qaynar diskoteka ilə başa çatıb.

İnformasiya dəstəyi -  Day.az, Milli.az, Trend.az, Azernews.az

Milli.Az

Məqaləyə dair fotomateriallar:

loading...

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.