Şou-biznes

Zamin Bankdan Aybəniz Haşımovaya qarşı kobudluq: "Bizi aldadıblar" - FOTO

24 Fevral 2016 17:31
29 Şərh     Baxış: 17 586

Əməkdar artist Aybəniz Haşımovanın qızı Aynişan Quliyeva "ZaminBank"dan şikayətlənərək onlara qarşı böyük hörmətsizlik və kobudluq edildiyini bildirib. 

Aynişan deyib ki, bank verdiyi sözlə əməl etməyərək onları aldadıb.

""ZaminBank" bir neçə aydır ki, vəzifəsini doğru şəkildə yerinə yetirmir. Pul köçürməsinin 10 dəqiqə ərzində hesaba yatıracaqlarına söz verib, amma günlərlə gecikdirirlər. "Pul niyə yatırılmayıb?" sualına isə "Biz yatırmışıq, qarşı tərəfdəki bank pulunuzu vermir" deyərək bizi aldadır. Üstlərinə gedildiyi zaman öz günahları olduğunu gəbul edirlər.

Üç gün öncə pul köçürən anam Aybəniz Haşımova bu gün ünvanına 3 gündü yetişməyən məbləği bankdan "zorla" geri aldı. 

Öz pulunu, onların qeyri-peşəkarlığına görə geri alan müştəriyə kobud davranılıb. Bu bankda nə müştəri məmnuniyyəti var, nə də savadlı və vicdanlı personal. Bizim mediaya çıxışımızı bilən "ZaminBank" bunu bizə edirsə, görün normal əhaliyə necə davranırlar, xəbərimiz yoxdu. 

Heç kimin borcu deyil, sizin müştəriniz olmaq, sizin borcunuzdu müştəriyə son dərəcə nəzakətli davranmaq. Bankdan çox bank var, siz ən böyük reklamçınız olan Müştərilərinizi itirirsiniz!"

"ZaminBank"la əlaqə saxlamaq istəsək də, cəhtlərimiz boşa çıxıb.

Ceyhun Ələkbərov
Milli.Az

Məqaləyə dair fotomateriallar:

Şərh yaz:

29 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.