Azərbaycanlı aktrisa gözəl bədən quruluşundan danışdı - FOTO

Bu xanım həm dünyagörüşü, həm xarici görünüşü ilə fərqlənir. Bu mövzuda danışmağı çox sevməsə də, arada məhdudiyyəti qırır. Bu dəfə o, teatr, televiziya səhnəsindəki çıxışlarından deyil, Publika.Az-a özəl tərəflərindən danışdı.

Öncə ondan başlayaq ki, Mələk ildə bir neçə dəfə müxtəlif ölkələri dolaşır. Romantik xanımın fotolarından da göründüyü kimi maraqlı səfərləri olur:
 
"Getdiyim hər yeni ölkə yeni nəfəs, yeni duyğular, yeni estetika deməkdir. Görünüşcə, sadə geyinən bir xanımam, amma qarderob təzələməyə çox enerji sərf edirəm. Sadəliyin içində də yaraşanı axtarıram.

Çox seçiciyəm. Amma alış-veriş heç vaxt səfərlərimin əsası ola bilməz. Bir də xarici ölkəyə getməyim həm yaxınlarımla, rəfiqələrimlə, bəzən də tək ola bilir. Səfərlərdə ancaq dincəlirəm.

İsti ölkələrdə dəniz qırağında dincəlməyi çox sevirəm. Bəzən tanıdıqlarımdan uzaqda olmağı, tək qalıb, düşünməyi, çox sevirəm. Bol enerji toplayıram".
 
Diqqət çəkən aktrisa xanımla həmkarları və Hollivud ulduzlarının müqayisəsindən danışdıq. O, dünya məşhurlarından fərqli olaraq, bizim aktrisaların əlçatan olduqlarını bildirdi. Qeyd edək ki, artıq çəki, baxımsızlıq da xanım aktrisaları ideal qadın görünüşündən çıxaran amildir.

Bu baxımdan efirdə, teatr səhnəsində artıq çəkisi ilə kompleks yaşayan aktirsalarımız az deyil.
"Məncə, hər şeyin doğru dərəcəsini tapmaq lazımdır. Mən formda qalmağımda ən çox genetik quruluşuma borcluyam.

Valideynlərim kök olmayıb. İkisi də incə sümüklü və incə quruluşa malikdirlər. Bu səbəbdən də mənim bu günə qədər estetik cərrahiyəyə ehtiyacım olmayıb. Ən əsası qidalanmağıma diqqət edirəm. Formada qalmağın ən doğru yolu süfrədən yarı tox qalxmaqdır. Çox vaxt buna əməl edirəm" - deyən aktirsa gecə saatlarında gözünü soyuducudan çəkməyənlərin artıq çəki problemi yaşadığını sözünə əlavə etdi.
 
Aktrisa sərt pəhrizin tərəfdarı deyil. O, itirilən kiloların pəhrizdən sonra çox vaxt asanlıqla geri qayıtmasından ehtiyat edir. Abbaszadə pəhrizdən daha çox, üzməyə və gəzməyə üstunluk verir.

"Səyahətlərdə olanda gəzintiyə çox üstunluk verirəm. Buna görə də, səyahətdən hər dönəndə iki kiloya kimi arıqlaya bilirəm. Üzmək bədəni gözəl edir. Yayın duzlu suyu vücudumuzun ən yaxşı heykəl traşı ola bilər. Söhbət gündə ən azı 1 km üzməkdən gedir" - deyə Mələk Abbaszadə bildirdi.

Milli.Az