Şou-biznes

“Qadın elm öyrədə bilməz, çünki...”

25 İyun 2024 13:33
Baxış: 2 589
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Cəmiyyətdəki bütün problemlərin kökündə matriarxatlıq dayanır. Məktəbləri də buna nümunə göstərmək olar. Orada da əksəriyyət qadın müəllimlərdir. Qadınların məktəblərdə, digər sahələrdə, cəmiyyətdə üstünlük təşkil etməsi əksər problemlərin kökündə dayanan səbəblərdəndir. Bu da son zamanların əlamətləridir". 

Milli.Az bildirir ki, bu sözləri "yeni Sabah"a açıqlamasında tanınmış müğənni Akif İslamzadə deyib. Onun sözlərinə görə orta məktəblərdə, ali təhsil müəssisələrində qadınların üstünlük təşkil etməsi problemlərin yaranmasına səbəb olur: 

"Unutmayın ki, xanımlar ən yaxşı halda məlumat verə bilər. Ancaq qadın elm verə bilməz. Bizim elm ocağımız yoxdur. Elmi ocaqda, universitetlərdə, məktəblərdə müəllim qalmayıb. Hamısı müəllimələrdir. 

Allah qadını belə yaradıb. Ona elm verilməyib. İstisnalar da olur. Məsələn böyük şəxsiyyətlərin yanında çiyin-çiyinə qadınlar olublar. Üzeyir bəyin yanında Məleykə xanım, Niyazinin yanında Həcər və s. onlardan danışıb qurtarmaq olmaz". 

A.İslamzadə bildirib ki, müəllimlərin əvvəlki nüfuzunu geri qaytarmaq lazımdır: 

"Bugünkü dünyanın baxışı, düzəni elədir ki, elmi ocaqlarımızda maraq, öyrənməyə elm qalmayıb. Məni efirə dəvət etmişdilər və soruşdular ki, şəxsi istəyiniz nədir? Cavab olaraq bildirdim ki, təhsil sistemini dəyişməkdir. Nəzərdə tutduğum sistemdə olan dəyişiklik ondan ibarətdir ki, müəllimin əvvəlki nüfuzunu qaytarsınlar". 

Milli.Az

Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.