Şou-biznes

“Uşaqlarıma məktəbdə deyirdilər ki, ataları “arvad paltarı”nda səhnəyə çıxır” - VİDEO

24 İyun 2023 16:42

Baxış: 1 615

VTB-də minimal faiz dərəcəsi ilə nağd kredit 10.49%-dən

#VİDEO #ƏMƏKDAR ARTİST

Əməkdar artist Çingiz Əhmədov açıqlaması ilə gündəmə gəlib.

Milli.Az bizim.media-ya istinadən bildirir ki, 60 yaşlı sənətkar qonaq olduğu "Qonağın qonağı" verilişində kişi aktyorların qadın paltarı geyinməsindən danışıb.

İllər əvvəl həmkarı Əməkdar artist Rəhman Rəhmanovla "Oradan-buradan" silsilə teletamaşalarda qadın obrazlarını canlandıran Əhmədov sözügedən mövzuya bu cür münasibət bildirib:

"Mən 39 ildir ki, Akademik Musiqili Teatrda çalışıram. Həmkarım Rəhman Rəhmanov isə 50 ildir ki, Abdulla Şaiq adına Dövlət Kukla Teatrında işləyir. "Oradan-buradan"ı yenidən bərpa etmək üçün həm vaxt, həm də məşqlər lazımdır. Eyni zamanda da güclü ssenaristə ehtiyac var.

O zamanlar övladlarım İbrahim və Çinarə kiçik yaşda idilər. Onları mütəmadi təhsil aldıqları 189 saylı orta məktəbdən götürürdüm. Onların yaşıdları uşaqlarımın başına yığışıb deyirdilər ki, bunların ataları "arvad paltarı"nda səhnəyə çıxır. Bunu eşitdim və mənə çox pis təsir etdi. O sözlərdən sonra dedim ki, yetər, qadın obrazında çıxış etmək. 2006-cı ildə sonuncu "Oradan-buradan" konsertini verdik.

Dedim ki, bununla da biz qadın paltarı geyinərək qadın obrazlarına son qoyuruq. Hər şeyin vaxtı, zamanı var. Bu da tükənməli, bitməlidir. Olmaz! Mən aktyoram.

Qadın paltarını çalışdığım teatrda da geyinə bilərəm. Marat Haqverdiyevin "Qısqanc ürəklər" komediya tamaşasında "hamilə qadın" və "sevgili qəhrəman" rolunu canlandırırdım. Teatr aktyorlarına qadın paltarı geyinib qadın obrazını oynamaq çox çətindir. Bizdən əvvəl qadın obrazlarını Mirzəağa Əliyev, Mösüm Sənani, Rafael Dadaşov, Yaşar Nuri canlandırıb".

Milli.Az