Şou-biznes

"Hərraca çıxardıqları qara adamam" - Taysondan ağır ittihamlar - VİDEO

9 Avqust 2022 15:37
0 Şərh     Baxış: 788

Dünyaca məşhur əfsanəvi boksçu Mayk Tayson haqqında film çəkən "Hulu" platformasından şikayətçidir.

Milli.Az axşam.az-a istinadən xəbər verir ki, boksçu platforma yaradıcılarını onun tərcümeyi-halını oğurlamaqda ittiham edib. Bu barədə sosial media hesabında yazan Tayson layihənin çəkilişi üçün yaradıcıların ondan icazə almadığını və ekran işi ilə bağlı onunla heç kimin məsləhətləşmədiyini vurğulayıb.

Bundan başqa, bioqrafik filmin yaradıcıları ona faiz də ödəməyiblər.

"Hekayəmi oğurladılar və mənə pul vermədilər. Sizi aldatmalarına imkan verməyin. Mən onların həyatımla bağlı hekayəsini dəstəkləmirəm. Bu, 1822-ci il deyil, 2022-dir. "Hulu" rəhbərləri üçün mən sadəcə hərraca çıxara biləcəkləri qara adamam" deyə, Tayson bildirib.

Həmçinin boksçu qeyd edib ki, ona 1 dollar belə təklif etməyən platforma təmsilçiləri həyatı ilə bağlı təfərrüatları açıqlamaq üçün yaxınlarına milyonlar ödəməyə çalışıblar. Tayson ona qarşı edilən bu hərəkəti heç vaxt unutmayacağını vurğulayıb.

Qeyd edək ki, "Mayk" adlı ekran işində baş rolu Trevante Rodos canlandırıb. Bu ilin iyulunda layihənin ilk treylerini yayımlanıb. Filmin premyerası avqustun 25-də baş tutacaq.

Milli.Az

13,99%-dən 40 000 AZN-dək zaminsiz, komissiyasız KREDİT
Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics