Şou-biznes

"İndi kişilər gözəllərə fikir vermirlər"

7 Avqust 2022 15:56
12 Şərh     Baxış: 1 896
VTB-də minimal faiz dərəcəsi ilə nağd kredit 9.9%-dən
#ŞOU-BİZNES

"İnternətdə, "YouTube"da nə istəsən tapmaq mümkündür. Belə şey heç vaxt olmamışdı. Müəllimlər öyrədirdilər ki, notu bu formada oxuyun, ağzınızı belə açın. Amma indi müəllimlərə ehtiyac yoxdur".

Milli.Az axşam.az-a istinadən bildirir ki, bu sözləri Xalq artisti Cavan Zeynallı "APA TV"yə müsahibəsində deyib. Sənətçi internetin aktual istifadə olunmasının müəllimlərə olan ehtiyacı azaltdığını bildirib:

"Çünki "YouTube"da hər şey var, bariton və ya tenor səslə necə oxumaq lazımdır. Təkcə musiqidən yox, hansı sahədə istəsən tapmaq mümkündür. Çoxları başa düşmür ki, həmin şəxsin istedadı var ya yox. Elə bilirlər ki, illər sonra istedad üzə çıxacaq, amma yox, elə deyil. Daxildə heç nə yoxdursa, olmayacaq".

Cavan Zeynallı xanım sənətçilərin estetik əməliyyatlarla biri-birinə bənzəməsindən də danışıb:

"Estetik etdirənlər biri-birinə oxşayırlar. Özü də bahalı əməliyyatlardır, pulu haradan tapırlar bilinmir. Baxıram ki, kimdir oxuyan. Elan edirlər, görürsən filankəsə oxşayır. Bu birisi isə başqasına bənzəyir. Hamısının üzü eyni. Hər adamın gərək individual siması olsun. Hamı eynidir, gözəldir. Əvvəllər sinifdə 30 nəfər oldurdu, baxırdın ki, iki qız gözəldir, digərlərinə fikir vermirdin. İndi baxırsan ki, 10 nəfərdən 8-i gözəldir. Belə olduğu halda kişilər özlərini itirir. Bilmirlər ki, həmin xanımların əsl gözəlliyi nədən ibarətdir. Deyirlər ki, mən belə doğulmuşam, əməliyyat yoxdur. Ona görə də kişilər indi gözəllərə fikir vermirlər".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.