Sağlamlıq

Pomidor yeyərkən iki dəfə düşünün

17 İyun 2026 02:02

Baxış: 359

VTB-də minimal faiz dərəcəsi ilə nağd kredit 9.9%-dən

#SAĞLAM QİDA

Mütəxəssislər xəbərdarlıq edirlər ki, zəngin qida dəyərinə malik olan pomidor tərkibindəki yüksək turşuluq və histamin səbəbindən bəzi xroniki xəstəlikləri olan şəxslərdə ciddi sağlamlıq problemləri yarada bilər.

Milli.Az xəbər verir ki, mətbəximizin əsas ərzaqlarından biri olan pomidor, yüksək qida dəyərinə baxmayaraq, bəzi risk qrupları üçün zərərli nəticələr doğura bilər. Klinik araşdırmalar göstərir ki, bu tərəvəz böyrəklərin fəaliyyətinə və həzm sisteminə birbaşa mənfi təsir etmək potensialına malikdir.

Böyrək və həzm sisteminə təsirləri nələrdir?
Pomidor yüksək miqdarda oksalat turşusu ehtiva etdiyi üçün xüsusilə böyrək xəstələrinə yeyilməsi məsləhət görülməyən (əks-göstərişli) qidalar sırasına daxildir. Bu turşuluq səviyyəsi mövcud böyrək xəstəliklərinin gedişatını sürətləndirərək struktur zədələnmələrinə səbəb ola bilir.

Xroniki həzm sistemi xəstəliklərindən əziyyət çəkən şəxslər də pomidor yeyərkən diqqətli olmalıdırlar. Xüsusilə səhər saatlarında acqarına yeyilən pomidor həssas mədə və bağırsaq quruluşuna malik olan insanlarda xəstəliyin əlamətlərini daha da kəskinləşdirir.

Hazır souslarda böyük risk
Pomidor tərkibindəki yüksək histaminə görə xüsusilə uşaqlarda və həssas dəriyə malik olanlarda ağız ətrafında qızartı və ya qaşınmaya yol aça bilər. Tərkibindəki likopen maddəsi ürək-damar sistemini dəstəkləsə də, allergik bədənə sahib olanlarda reaksiya riskini yüksəldir.

Dietoloqlar həmçinin ketçup və hazır pomidor sousları kimi sənaye üsulu ilə işlənmiş məhsullarla bağlı da xəbərdarlıq edirlər. Bu cür hazır qidaların tərkibindəki yüksək yağ miqdarı və süni qatqı maddələri birbaşa piylənmə riskini artırır.

Müəllif: Ülkər Vəliyeva (Milli.Az redaktor)