Şou-biznes

Manaf Ağayev lüks avtomobili ilə televiziyaya gəldi - VİDEO

7 Aprel 2022 11:06
5 Şərh     Baxış: 8 288
VTB-də minimal faiz dərəcəsi ilə nağd kredit 10.49%-dən

Müğənni Manaf Ağayev aparıcı və prodüser Tarix Əliyevin (Tolik) verilişinə qonaq olub.

Milli.Az baku.ws-ə istinadən xəbər verir ki, proqram zamanı sənətçi avtomobilinin cərimə meydançasında saxlanılması xəbərlərinə münasibət bildirib.

Ağayev lüks maşının özündə olduğunu deyib. Həmin vaxt verilişdə Manafın "Mtv" kanalına avtomobili ilə gəldiyi görüntüləri nümayiş olunub.

İfaçı bahalı və lüks avtomobilinin əslində elə də baha olmadığını açıqlayıb. 

Qeyd edək ki, bir neçə gün əvvəl mətbuatda Manaf Ağayevə məxsus "Mercedes" markalı avtomobilinin qanunsuz olaraq polisin cərimə meydançasında saxlanılması xəbərləri yayılıb. DİN-in Mətbuat Xidmətinin KİV və ictimaiyyətlə əlaqələr şöbəsinin rəisi Elşad Hacıyev bildirib ki, vəkilin iddiaları əsassızdır.

Məlumat üçün bildirək ki, fevralın 17-də sosial şəbəkələrdə müğənni M.Ağayevin işğaldan azad edilmiş ərazilərə səfər etməsini əks etdirən görüntülər yayılmışdı. Daha sonra Bakı şəhəri ərazisində M.Ağayev və onun yanındakı vətəndaş Sənan Hüseynov polis idarəsinə dəvət olunublar.

Aparılan araşdırmalar nəticəsində məlum olub ki, onlar işğaldan azad olunmuş ərazilərə qanunsuz yolla daxil olublar. Bununla bağlı onların izahatları alınıb. Həmin şəxslər saxlanılıb. Yasamal Rayon Məhkəməsi qərarı ilə M.Ağayev və S.Hüseynov 15 sutka həbs edilib.

Ətraflı videoda:

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.