Rusiya

Moskvada idmançı qadını 4-cü mərtəbədən atdılar (Foto)

7 İyul 2026 15:38

Baxış: 2 087

VTB-də minimal faiz dərəcəsi ilə nağd kredit 9.9%-dən

#HADİSƏ #KRİMİNAL #RUSSİA #MOSKVA

Rusiyanın paytaxtı Moskvada dəhşətli cinayət hadisəsi baş verib.

Milli.Az musavat.com-a istinadən bildirir ki, Polina P. adlı qadın bir il yarım əvvəl tanış olduğu və yalnız dost kimi qəbul etdiyi Stas Ş. tərəfindən hücuma məruz qalıb. Polina özünün fitnes mərkəzi açmaq istəyi barədə məlumatı Stas Ş. ilə bölüşdükdə, kişi ona kömək təklif edib.

Evdə görüş zamanı Stas Ş. mətbəxdə qadını döyməyə başlayıb, daha sonra isə əlinə silah alaraq ona hücum edib. Qorxuya düşən Polina pəncərədən qaçmağa cəhd edərək kömək üçün qışqırıb, lakin Stas onu çataraq 4-cü mərtəbədən aşağı itələyib.

Hadisədən sonra polis Stas Ş.-nin meyitini vanna otağında aşkar edib; onun özünü güllələyərək intihar etdiyi məlum olub. Ağır vəziyyətdə xəstəxanaya çatdırılan Polina hazırda reanimasiyadadır. Qadının anasının sözlərinə görə, onun sağ qalması əsl möcüzədir və o, artıq sağalmağa doğru gedir.

Müəllif: Tural Hüseyn (Milli.Az redaktor)