Rusiya

"WhatsApp" Rusiyada tam bloklana bilər

24 Dekabr 2025 11:50
Baxış: 1 372
VTB-də minimal faiz dərəcəsi ilə nağd kredit 9.9%-dən
#RUSİYA #WHATSAPP #SOSİAL ŞƏBƏKƏLƏR

"WhatsApp" messencerinin Rusiyada mövcud qanunvericilik tələblərinə görə tam bloklanması mümkündür.

Milli.Az xəbər verir ki, bu barədə Rusiya Rəqəmsal İnkişaf Nazirliyi yanında İctimai Şuranın üzvü Armen Qasparyan açıqlama verib.

Onun sözlərinə görə, əgər "Meta" rəhbərliyi Rusiya bazarında fəaliyyət göstərməkdə maraqlıdırsa, ölkənin qanunvericiliyinə riayət etməlidir.

"Biz bunu, təəssüf ki, hələ görmürük. Bu isə o deməkdir ki, mövcud qanunvericiliyin tələblərinə əsasən, messencerin bloklanmasına doğru gedilir", - deyə Şura üzvü vurğulayıb.

"WhatsApp" Rusiyada xidmətinə tətbiq edilən məhdudiyyətləri tənqid edərək, Rusiya hakimiyyətini bayram mövsümü ərəfəsində 100 milyondan çox insanı şəxsi ünsiyyət hüququndan məhrum etməyə çalışmaqda ittiham edib.

"Rusiya hökuməti WhatsApp-a girişi məhdudlaşdırmaqla, bayram mövsümündən əvvəl Rusiyada 100 milyondan çox insanın başdan-ayağa şifrələnmiş şəxsi ünsiyyət hüququnu əlindən almağı hədəfləyir" .

Sözçü əlavə edib ki, WhatsApp valideyn və iş qruplarından tutmuş bölgələrdəki dostlar və ailələrə qədər ölkə üzrə icmaların gündəlik həyatında mühüm rol oynayır və istifadəçilərin məcburi şəkildə dövlət tərəfindən tələb olunan alternativ tətbiqlərə yönləndirilməsi təhlükəsizlik risklərini artıra bilər.

Fidan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.