Rusiya

Moskvada generalın qızına qorxunc mesaj - (Foto)

16 Avqust 2026 11:54

Baxış: 1 589

VTB-də minimal faiz dərəcəsi ilə nağd kredit 9.9%-dən

#RUSSİA #RUSİYA-UKRAYNA MÜHARİBƏSİ

Moskvada naməlum şəxslər yaşayış binasının qarşısına donuz cəsədi qoyaraq divarda Anastasiya adlı şəxsə ünvanlanan mesaj yazıblar.

Milli.Az musavat.com-a istinadən bildirir ki, hadisə Moskvanın Novoperedelkinskaya küçəsi, 14 ünvanında baş verib. Yayılan görüntü və məlumatlara görə, naməlum şəxslər binanın yaxınlığına donuz cəsədi qoyublar, divarda isə rus dilində "Nastya, bu sənədir" mesajı yazılıb.

Mənbələrdə həmin binada Rusiya generalı Roman Yurçenkonun qızı Anastasiya Yurçenkonun yaşadığı bildirilir.

Roman Petroviç Yurçenko Rusiya Silahlı Qüvvələrinin generalıdır. Məlumatlara görə, o, 2025-ci ildən 20-ci Qvardiya Ümumqoşun Ordusunun komandanıdır. Bundan əvvəl isə 41-ci Ümumqoşun Ordusunda qərargah rəisi və komandanın birinci müavini vəzifəsində çalışıb.

Hazırda donuz cəsədini binanın qarşısına kimin qoyduğu və hadisənin motivi məlum deyil.

Müəllif: Tural Hüseyn (Milli.Az redaktor)