Şou-biznes

Maykl Ceksonun qızı: “Mənə üç həftədə 9 elektroşok verdilər”

18 Avqust 2026 20:46

Baxış: 1 782

VTB-də minimal faiz dərəcəsi ilə nağd kredit 9.9%-dən

Mərhum pop ulduzu Maykl Ceksonun qızı Paris Cekson psixoloji problemlərdən xilas olmaq üçün ağır müalicə aldığını açıqlayıb.

Milli.Az xarici KİV-ə istinadən xəbər verir ki, 28 yaşlı müğənni intihara çox yaxın olduğu dövrdə elektrokonvulsiv terapiya kimi tanınan elektroşok müalicəsinə müraciət edib. O, üç həftə ərzində 9 seans keçdiyini bildirib.

Paris Ceksonun sözlərinə görə, prosedur ümumi anesteziya altında aparılsa da, ilk seanslar ağrılı keçib və sonradan ciddi yan təsirlərlə üzləşib. Müalicənin depressiyaya qarşı təsir göstərdiyini deyən sənətçi bunu ömür boyu davam etdirə bilməyəcəyini vurğulayıb.

Uzun illər depressiya və narkotik asılılığı ilə mübarizə aparan Paris hazırda obsessiv-kompulsiv pozuntuya görə mütəxəssis nəzarətindədir. O, altı ildir narkotikdən uzaq olduğunu açıqlayıb./Lent.az

Müəllif: Ülkər Vəliyeva (Milli.Az redaktor)