Rusiya

Rusiyaya getmək istəyənlərin nəzərinə - Bu şəxslərin girişinə icazə verilməyəcək

14 İyul 2025 10:31

Baxış: 9 317

VTB-də minimal faiz dərəcəsi ilə nağd kredit 9.9%-dən

#RUSİYA #MİQRANTLAR

Rusiya Dövlət Duması miqrantların ölkəyə daxil olarkən tibbi arayış təqdim etməsini nəzərdə tutan yeni qanun layihəsi irəli sürüb.

Milli.Az xəbər verir ki, bu təşəbbüs fraksiyalararası formatda hazırlanaraq parlamentə təqdim olunub.

Deputat Yaroslav Nilovun sözlərinə görə, Rusiya hazırda kadr çatışmazlığı ilə üzləşdiyindən xaricdən işçi qüvvəsi cəlb etməyə məcburdur. Lakin bu prosesin sağlamlıq təhlükəsizliyi çərçivəsində aparılması zəruridir.

Yeni təklifə əsasən, miqrantlar Rusiya Federasiyasına daxil olarkən yalnız tibbi sığorta sənədi deyil, eyni zamanda HİV, hepatit B və C, vərəm və sifilis kimi yoluxucu xəstəliklərin olmadığına dair yenilənmiş tibbi arayış təqdim etməlidirlər.

Bundan əlavə, narkotik və psixotrop maddələrin istifadəsi ilə bağlı test nəticələri də miqrantın sənəd paketinə daxil edilməlidir. Nilov bildirib ki, bu sənədlər təqdim edilmədiyi halda, həmin şəxsin ölkəyə girişinə icazə verilməyəcək.

Qeyd edək ki, bu addım qeyri-qanuni miqrasiyanın qarşısını almaq və ictimai sağlamlığı qorumaq məqsədi daşıyır.

Fidan
Milli.Az