Rusiya

Rusiyalı oliqarxlara sanksiyaları ödəməyə icazə verilə bilər

28 May 2022 10:07
Baxış: 737

G7 ölkələri Rusiyanın sanksiyalar altında olan oliqarxlarına bu sanksiyaların ləğvi üçün pul ödəməyə icazə verib-verməməyi nəzərdən keçirir: Vəsaitlərin Ukraynanın yenidən qurulmasına yönəldiləcəyi güman edilir. Həm rus oliqarxlarının özlərinin, həm də Ukrayna hökumətinin belə bir fikrə qarşı olmadığı iddia edilir.

Milli.Az oxu.az-a istinadən xəbər verir ki, bu barədə "Assosiated Press" mənbələrə istinadən yazır.

Agentliyin həmsöhbətinin sözlərinə görə, Almaniyada keçirilən G7 ölkələrinin maliyyə nazirlərinin görüşündə Kanadanın baş nazirinin müavini və maliyyə naziri Kristia Friland rusiyalı oliqarxlarla bu ​​barədə danışdıqdan sonra bu ideyanı irəli sürüb (Friland 1990-cı illərdə Moskvada jurnalist kimi işləyib və Rusiyada əlaqələri var).

Rəsminin sözlərinə görə, Ukrayna hakimiyyətinin nümayəndələri müzakirələrdən xəbərdar olublar.

O, həmçinin əlavə edib ki, tanınmış oliqarxların Rusiya Prezidenti Vladimir Putindən uzaqlaşması, eyni zamanda Ukraynaya maliyyə yardımı etməsi Qərbin maraqlarına cavab verir.

"Ukraynalıların rahatlığı olmasaydı, biz bu barədə danışmazdıq. Bilməliyik ki, bu, onların da xeyrinədir", - deyə mənbə vurğulayıb.

Rəsmilər anonimlik şərti ilə danışıblar, çünki G-7-nin daxili müzakirələri haqqında açıq danışmağa icazələri yoxdur.

Bildirildiyinə görə, bu indi sadəcə ideyadır, lakin Qərb müttəfiqləri buna maraq göstərirlər.

Milli.Az

İllik 14.5%-dən 30 000 manat zaminsiz komissiyasız kredit

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics