Cəmiyyət

Ayın 22-də ölkədə qısamüddətli yağış və külək gözlənilir - Proqnoz

21 İyun 2026 12:47

Baxış: 467

VTB-də minimal faiz dərəcəsi ilə nağd kredit 9.9%-dən

İyunun 22-də Azərbaycanda gözlənilən hava şəraiti açıqlanıb.

Milli Hidrometeorologiya Xidmətinin məlumatına görə, Bakıda və Abşeron yarımadasında hava dəyişkən buludlu olacaq, əsasən yağmursuz keçəcəyi proqnozlaşdırılır. Günün bəzi saatlarında qısamüddətli tutulmalar və şəhərətrafı ərazilərdə zəif yağış ehtimalı var. Şimal-qərb küləyinin arabir güclənəcəyi bildirilir.

Havanın temperaturu gecə 19-22°C, gündüz isə 26-29°C arasında dəyişəcək. Atmosfer təzyiqi 761 mm civə sütunu, nisbi rütubət isə 60-70% təşkil edəcək.

Rayonlarda hava

Ölkənin rayonlarında bəzi yerlərdə arabir yağışlar gözlənilir. Xüsusilə dağlıq və dağətəyi ərazilərdə qısamüddətli intensiv yağış, şimşək və dolu ehtimalı var. Gecə və səhər saatlarında bəzi dağlıq bölgələrdə duman müşahidə oluna bilər.

Havanın temperaturu gecə 20-25°C, gündüz 29-33°C, dağlıq ərazilərdə isə gecə 8-13°C, gündüz 18-23°C, bəzi yerlərdə isə 25-28°C aralığında olacaq.

Müəllif: Malik Məlikov (Milli.Az redaktor)