Siyasət

Tehranda "Şuşi" küçəsi oldu: İran nə demək istəyir? - FOTO

27 Noyabr 2021 23:46
12 Şərh     Baxış: 10 926

İranın paytaxtı Tehranın İslam Şəhər Şurasının ("Əncüməne Şehr") son qərarı Azərbaycanla İran arasında normallaşmağa başlayan münasibətlərə sanki meydan oxumaqdır.

Tehran Şəhər Şurasının qərarı ilə İran paytaxtındakı 38 parkın və küçənin adı dəyişdirilib.

Qərar barədə məlumat Şuranın rəsmi saytında yerləşdirilib.

2710-127 saylı qərara əsasən, Pənah Xiyabanı bundan belə "Nardaran Xiyabanı" adlanacaq.

Şəhəri Şurasının bununla bağlı qərarında deyilir: "Nardaran Bakı yaxınlığındakı bir kənd, İranda təhsil almış Tale Bağırzadənin doğulduğu yerdir".

Şəhərdəki Məryəm küçəsinin adı isə artıq "Şuşi"dir.

Şuşa yox, məhz "Şuşi".

Tehran Şəhər Şurası Azərbaycanın mədəniyyət beşiyini, erməni işğalından azad edilmiş şəhəri ermənilərin təbirincə "Şuşi" adlandırmaqla kifayətlənməyərək "bu şəhərdə İran şahı Ağa Məhəmməd Şah Qacar xaincəsinə qətlə yetirilmişdi" bəyanatını verib.

Tehranın 6-cı rayonunda, Nizami Gəncəvi və Rastegəran küçələri arasındakı Bəradəran küçəsinin adı dəyişdirilərək "Badukubə" qoyulub.

Tehran Şəhər Şurası Azərbaycanın paytaxtını "Badukubə" adlandırmaqla rəsmi Bakıya paytaxtımızın adının arxaik, fars dilindəki deyimi ilə ad dəyişdirməklə "tarixi mesaj" vermək qərarında olduğuun gizlətmir.

Yas küçəsi "Salyan", Ehteşam küçəsi isə "Lənkəran" olub. "Gəncə", "Şamaxı" küçələri də var artıq.

Küçələrdən birinə isə "Arran" adı verilib. İrandakı bir sıra siyasətçilər, ictimai xadimlər, "tarixçi"lər və media ölkəmizi "Arran" adlandırır, "İranın tarixi şimal vilayəti" sayırlar.

Ən nəhayət, iranlı ermənilər Rostom Voskanyan və Vardan Hovannisyanın da adları küçələrə verilib.

Tehranlı jurnalist Səlar Səyyaf bununla bağlı Twitter-dəki bloqunda yazıb: "Küçələrin adlarının belə dəiyşdirilməsi vacibdir, çünki o şəhərlərin və məkanların İran mədəniyyətinə aid olduğunu göstərir. Ümid edirəm ki, yaxın günlərdə Şəhər Şurasına təzyiq göstərərək qərarı dəyişməzlər".

Tehran Şəhər Şurasının bütün əndazələri və hədləri aşan bu idiotik qərarının səbəbi, məqsədi nədir?

İran paytaxtının rəsmiləri bununla nə demək istəyirlər?

Orxan Hun
Milli.Az

 

Şərh yaz:

12 Şərh:

  • Anonim
    asi · 28 Noyabr 2021 13:20713

    İran Azərbaycandır!!!..

    Cavab yaz
  • Anonim
    6t43 · 28 Noyabr 2021 15:43814

    iranin ic uzu budur

    Cavab yaz
  • Anonim
    12 · 28 Noyabr 2021 21:13311

    farslrin canina azzar istiyir

    Cavab yaz
  • Anonim
    М.H. · 28 Noyabr 2021 21:50510

    Məqsəd aydındır,Azərbaycan hakimiyyətini molla rejiminə çevirib İrana birləşdirmək.

    Cavab yaz
    • Anonim
      S. V. · 28 Noyabr 2021 22:5518

      Qələt edirlər

      Cavab yaz
    • Anonim
      Hop-hop · 28 Noyabr 2021 23:0515

      Doğru cavab, amma tam əksi olacaq.

      Cavab yaz
  • Anonim
    12 · 28 Noyabr 2021 23:3261

    başqa nə böhtan qaldı ?

    Cavab yaz
  • Anonim
    668 · 29 Noyabr 2021 07:1118

    Dünya yaranandan ıran Türkün düşməni olub bunu hamı bilir bu gözlənilən idi ıran tərəfdən

    Cavab yaz
  • Anonim
    Azadi · 29 Noyabr 2021 08:1408

    Fars Molla rejiminin daxilimizdeki nokerleri kordur ya kardir?Hec birinin feakiyyetine imkan veriomemelidir! Iran parcalanmalidir!

    Cavab yaz
  • Anonim
    Kamandar · 29 Noyabr 2021 12:2354

    Hadrutun adını qoyaq-Haifa,yada Tel-Əviv. Zəngilan aeroportunu Ariel Şaron adını daşısın. Xudafərin kəndinin yanında bir cűhud kəndi tikək və hűndűr bir yerdə bőyűk bir sinaqoqa inşa edək ki Irandan aydın gőrűnsűn.

    Cavab yaz
  • Anonim
    İbrahim · 29 Noyabr 2021 13:1607

    O hərəkətləri eyni ilə,hətta artıqlamasıyla biz də burda təkrarlamalıyıq.

    Cavab yaz
  • Anonim
    Kamandar · 30 Noyabr 2021 09:3216

    Bizdə fars yoxdur,bəs o dislikeleri kimlər qoyur?. Bir balaca qurdalamaq lazımdır!

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.