Siyasət

Bakını düşmən sayan düşmən tələsinə düşdü

21 Noyabr 2021 22:06

1 Şərh Baxış: 4 788

#SİYASƏT

Polşa vətəndaşı, ixtisasca hüquqşunas, özünü daim "məşhur və müstəqil siyasətçi" kimi təqdim edən, Lyublin şəhərindəki Yaşıllar Partiysının sədri olan Tomaş Lex Buçekin (Tomasz Lech Buczek) başı dərddədir.

Tomaş Lex Buçek özünü qatı ermənipərəst, "Ermənistanın və qarabağlı ermənilərin aşiqi" kimi qələmə verir, bu minvalla Avropadakı erməni diaspor təşkilatlarından yararlanmağa çalışır.

Onun "erməni sevgisi" gerçəkdən də, genişdir.

Belə ki, T.Lex Buçek Bakıda saxlanan "erməni əsir"lərə özünü dəyişdirməyi təklif etmişdi, sonra Azərbaycanı "beynəlxalq Haaqa Məhkəməsinə cəlb etmək" üçün kampaniyaya başlamışdı, daha sonra "Azərbaycan rəhbərliyinə cinayət işlərinin açılması"nı tələb etmişdi, sonra "Erməi anasının göz yaşları" və "Azərbaycanın Qarabağda ermənilərə qarşı hərbi cinayətləri" kimi "kitab"lar yazmışdı.

Tomaş Lex Buçek habelə Polşada ermənilərin pulları hesabına yaratdığı "Artsax Fondu" adlı "təşkilat"ın rəhbəridir: bu təşkilat vasitəsilə ermənilərdən sürəkli pullar yığır, "yardım kampaniyaları" keçirdiyini bəyan edir.

Fəqət həmin "təşkilat"ı qurandan sonra Buçek "tam təsadüf" nəticəsində Varşava, Poznan və Qdınya şəhərlərində 12 lüks mənzil, daha sonra 3 bahalı avtomobil və s. alıb.

İndisə Buçeki Varşavada yaşayan bir erməni böhtanda suçlayaraq məhkəməyə verib.

Buçeki 1 il həbs və seçkilərdə iştiraka yasaq gözləyir.

Orxan Hun
Milli.Az