Siyasət

Şeyxülislam qəflət yuxusundan nə zaman ayılacaq?

25 İyul 2021 19:57
8 Şərh     Baxış: 4 475

Qafqaz Müsəlmanları İdarəsinin sədri, şeyxülislam Hacı Allahşükür Paşazadə onun haqqında deyilənləri və yazılanları deyəsən, ya oxumur, ya dinləmir, ya da sadəcə, eyninə almır.

İnformativ baxımından qəflət yuxusundadır sanki.

"İranın ali dini lideri, ayətüllahül-üzma Seyid Əli Xameneinin fətvası nəticəsində 44 günlük Vətən Müharibəsində qalib gəldiyimizi" xüsusi vəcdlə vurğulayan hacı Allahşükür çox mətləbləri bilir, amma özünü bilməmiş təki göstərir.

Məsələn, bilir ki, bu ilin fevralın 26-da Azərbaycan Prezidenti İlham Əliyev xarici jurnalistlər üçün mətbuat konfransı keçirəndə yeganə absurd, marazmatik və təxribatç sualı səsləndirən məhz İran mediasının mənsubu oldu.

O, İkinci Qarabağ Müharibəsində Azərbaycan tərəfində guya "suriyalı muzdluların vuruşması barədə iddialar"dan bəhs edərək faktiki olaraq Ermənistanın yalanını təkrarladı.

Paşazadə əla bilir ki, Vətən Müharibəsi sentyabrın 27-də başlasa da, İranın ali dini lideri yalnız noyabrın 4-də açıqlama verdi. Vəssəlam. Bu açıqlama fətva deyildi, ola da bilməxzdi.

İranın siyasi-diplomatik fəallığı bununla da sonuclandı, işğalçıya qarşı döyüşən Bakını dəstəkləyəcək heç bir bəyanat (!) Tehrandan səslənmədi.

Allahşükür Paşazadə bilir ki, Vətən Savaşında ölkəmizə verilən dəstək baxımından Türkiyə ilə İranı əsla müqayisə etmək olmaz. Türkiyə onillərdir bizi siyasi və mənəvi baxımdan dəstəkləyir, Ermənistanla sərhədləri bağlayaraq işğalçı dövlətə nəqliyyat blokadası tətbiq etmişdi. Ankara Ermənistanla heç bir diplomatik münasibətdə deyil. Bütün bunlarla yanaşı, Vətən Müharibəsi günlərində Türkiyə ən üstün səviyyədə, ən geniş miqyasda Azərbaycana siyasi və mənəvi dəstək verdi.

İran nə etdi bəs?

Tam əksini.

Ermənistanla daim sıx əlaqələrdə oldu, münasibətləri az qala strateji müttəfiqlik səviyyəsinə yüksəltdi. Vətən Müharibəsi günlərində isə Azərbaycan Ordusunun PUA-larının sərhəd boyunca uçuşlarından "dərin narahatlıq keçirdiyi"ni bəyan etdi. Ermənistana sürəkli silah, hərbi texnika və sursat daşınmasına şərait yaratdı.

Sadəcə, Güney Azərbaycandakı soydaşlarımızın kütləvi etirazlarından, küçələrə çıxmalarından sonra rəsmi Tehran rüsvayçı davranışına son qoydu.

Hacı Allahşükür bəlkə də bilmir, amma rəsmi Tehranla ABŞ-dakı erməni lobbi təşkilatları arasında olduqca intensiv, sıx və miqyaslı əlaqələr var.

Tehran indiyədək dəfələrlə erməni lobbi təşkilatları ilə gizli danışıqlar apararaq xahiş edib ki, ABŞ Nümayəndələr Palatasında və Senatdakı ermənipərəst konqresmenlərlə senatorlar vasitəsilə Ağ Evə təsir göstərilsin, İrana qarşı sanksiyalar yumşaldılsın.

Təbii ki, İran bu təvəqqelərinin müqabilində Ermənistanda qarşısında bəlli öhdəliklər götürüb.

Hacı Allahşükür əla bilir ki, 28 illik erməni işğalı dönəmində ölkəmizirn düşmən tapdağındakı ərazilərində 60-dan çox məscidimiz viran edilsə də, İran heç bir açıqlama verməmişdi.

Şuşadakı məscidi İran təmir edəndə, ermənilərin "fars məscidi" kimi sırımağa çalışdıqları dönəmdə Tehran susurdu.

İranın ali dini liderinin Azərbaycandakı nümayəndəsi, höccətülislam Seyid Əliəkbər Ocaqnicat da susurdu.

O, bir dəfə olsun belə, ermənilərin dağıtdıqları məscidlərimizdən danışmayıb.

Şeyxülislam da susub.

Hacı Allahşükür, siz o nə olduğunu bilmədiyiniz vicdanınız, İrəvandakı və Şuşadakı məscidlər barədə niyə susurdunuz?

İranın sükütu barədə niyə danışmırdınız və indi də danışmırsınız?

Ayətulla Xameneninin Ərdəbil şəhərindəki nümayəndəsi Həsən Amili ölkəmizin ünvanına hədyanlar və hədələr səsləndirib sərsəmləyəndə niyə özünüzü eşitməzliyə vurmuşdunuz?

Nə üçün Qafqaz Müsəlmanlar İdarəsi sözügedən Amilinin degenerativ bəyanatlarına bir dəfə olsun belə, rəsmi reaksiya vermədi?

Niyə ağı qara, qaranı da ağ kimi sırımağa çalışır QMİ rəhbəri?

Axı İranın dini lideri "Qarabağ İslam torpağıdır" deyib, "Qarabağ Azərbaycan ərazisidir" söyləməyib.

Və ümumiyyətlə, Ocaqnicat Azərbaycanda nə işlə məşğuldur?

Azərbaycanın İranda dini nümayəndəsi yoxdursa, İranın ali dini liderinin Azərbaycanda daimi nümayəndəsi niyə olmalıdır?

Hacı Allahşükür, bəlkə bu suallara cavab verəsiniz?

Elçin Alıoğlu
Milli.Az

 

Şərh yaz:

8 Şərh:

  • Anonim
    . · 25 İyul 20:3410

    Dəyməyin hacının xətrinə, birdə gördün koronavirus tutdu, bəs onu kim əvəz edəcək?

    Cavab yaz
  • Anonim
    Tan · 25 İyul 21:1101

    Tamamilə doğrudur..sadəcə anlamıram bu şəxsin dövlət qarşısında hansı xidmətləri olub ki buna hələ də dözürlər..belələrinə daxili düşmən deyirlər

    Cavab yaz
  • Anonim
    Abbas · 25 İyul 22:0820

    Men deyim.ayin tarixini ya ayin 32 si ya da 40

    Cavab yaz
  • Anonim
    Veli · 25 İyul 23:3111

    Boş boş yazılarla özünüzü yormayin. Butun media birleahse sheyxin lazimi dairelerde olan hormetine bir xelel getire bilmez. Oz razmerinizle oynayin

    Cavab yaz
  • Anonim
    M · 25 İyul 23:4100

    iran həmişə mənə tərs gəlib. heç dindar da deyiləm. əgər Hameneyi “garabağ islam torpağıdır” deyibsə, buna görə ona jest eləmək doğrudu. panikaya əsas yoxdu. sadəcə bir az şişirdib, o da zəiflik, yaltaqlıq əlamətidi, həm şəxs, həm də dövlət adından. axı azərbaycanın 70 illik sovet birliyindən qalan yaltaqlıq ənənələri var. Elçin Alıoğlu, reallıq hissini itirmə, qonşularımız çox pisdi, azərbaycan derjava deyil. neçə əsrlərdi qonşu ölkələrə yaltaqlanırıq, birinci dəfədi bəyəm?! bir göz qırpımında azərbaycanı parça-parça edərlər, suriya yalan olar onun yanında.

    Cavab yaz
  • Anonim
    Ser · 26 İyul 00:4900

    Nə oldu indi gördülərki Şeyxülislam belədir?

    Cavab yaz
  • Anonim
    Ceyhun · 26 İyul 07:5010

    Şeyx səhv söz danışmayıb. Siz min yerə yozursuz...

    Cavab yaz
  • Anonim
    Nurlan · 26 İyul 09:4222

    Cahillikdən böyük müsibət və bədbəxtlik yoxdur, Azərbaycan təhsilini elə günə qoydular ki, millət qoyun kimi sürü psixologiyası ilə idarə olunmağa başlanıldı. Allahşükür Paşazadə həqiqəti danışıb! Ağıl və təfəkkür sahibləri çox gözəl bilir, sizin kimi qoyun təfəkkürlü lər başa düşmür (Allah heçkəsi ağılsız və təfəkkürsüz eləməsin)

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.