Siyasət

Lavrovdan Ermənistandakı seçkilər ilə bağlı açıqlama

21 İyun 2021 17:08
Baxış: 929

Ermənistandakı seçkilərin nəticələrinin yeni şərtlərdə siyasi həyatın formalaşmasına necə təsir edəcəyi hələ bəlli deyil.

Milli.Az Trend-ə istinadən bildirir ki, bunu Rusiya Xarici İşlər naziri Sergey Lavrov təşkil etdiyi mətbuat konfransında deyib.

Lavrov qeyd edib ki, seçkilər yenicə baş tutub. "Hökumətin formalaşmasını gözləyək" deyən, Lavrov Rusiya tərəfinin müharibəyə son qoymuş üçtərəfli razılaşmaların işlək olmasından və bütün tərəflərin maraqlarına cavab verməsindən çıxış etdiyini bildirib: "Ən azından, müharibəni bitirən üçtərəfli müqavilənin (Azərbaycan, Rusiya və Ermənistan arasında) və eyni zamanda, üçtərəfli razılaşmanın olduğunu düşünürük. Bütün iqtisadi fəaliyyətlərin açıqlanmasının, blokadanın qaldırılmasının spesifik formaları barədə razılaşma prosesi işləyir və iştirak edən bütün tərəflərin maraqlarına cavab verir".

Milli.Az

 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.