Siyasət

Rusiya Qarabağda sülhməramlıların sayını artırmaq istəyir - Ukraynalı ekspert Milli.Az-a danışdı

5 May 2021 12:45
Baxış: 2 189

"Rusiya XİN rəhbəri Sergey Lavrovun Azərbaycana səfərinin əsas mövzusu Qarabağdakı vəziyyətin nizamlanması ilə bağlıdır". 

Bunu Milli.Az-a açıqlamasında Ukrayna Diplomatiya İnstitutunun eksperti Nikolay Spiridonov deyib.

Ukraynalı siyasi şərhçi bildirib ki, Azərbaycan Rusiyanın bitərəfliyinə inanmır:

"Lavrovun bu səfərləri zamanı ölkənin iqtisadi baxımdan dinc bir həyata qayıtması, bundan əlavə, tərəflər arasında vəziyyətin gərgin olduğunu nəzərə alaraq bölgədə Rusiyanın sülhməramlı kontingentinin artırılması məsələsi də müzakirə ediləcək məsələlərdən ola bilər.

Rusiya və Azərbaycanın ortaq geosiyasi maraqları ola bilər. Son aylarda Rusiya Federasiyası ilə ABŞ arasında qarşıdurmanın kəskin şəkildə artdığı və Co Baydenin qondarma erməni "soyqırımı" ilə bağlı açıqlamasından sonra Azərbaycanla ABŞ arasındakı münasibətlərin də mükəmməl olmadığı məlumdur. Bu tarixi hadisələrə Azərbaycanın öz mövqeyi olduğu göz qabağındadır. Rusiya Azərbaycanı Ortaq İqtisadi Məkana dəvət etməyə çalışacaq, amma cavabın təmkinli olacağı aydındır.

Hərbi əsirlərin mübadiləsi də Lavrovun Bakı səfəri zamanı müzakirə oluna bilər. Qeyd etmək lazımdır ki, Moskva Qarabağ münaqişəsində vurğulanan bitərəfliyi qoruyur və Bakıya səfərindən əvvəl (5-6 may) Lavrov İrəvanda olacaq. Ancaq əslində isə Azərbaycan Rusiyanın bitərəfliyinə əmin deyil və hətta İsgəndər-M raketlərinin qaçaqmalçılığında rəsmi Moskva şübhəli bilinir. Buna görə də, görüş gərgin keçəcək". 

Təhməz Əsədov
Milli.Az

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.