Siyasət

Macarıstan Türk Şurası ölkələrini vacib tərəfdaş hesab edir

10 Aprel 2021 16:49
Baxış: 333

Macarıstan Türk Şurasının üzvlərini vacib tərəfdaş hesab edir.

Milli.Az Trend-ə istinadən xəbər verir ki, bunu Macarıstanın təhlükəsizlik siyasəti üzrə dövlət katibi Peter Ştara Bakıda keçirilən Türkdilli Dövlətlərin Əməkdaşlıq Şurasının (Türk Şurası) informasiya və media üzrə məsul nazirlərinin və yüksək vəzifəli rəsmilərinin 3-cü toplantısında deyib.

Onun sözlərinə görə, Macarıstan bütün sahələrdə, o cümlədən iqtisadiyyat və mədəniyyət sahələrində regionla əməkdaşlıq qurmaq istəyir və bu kontekstdə informasiya və media xüsusi əhəmiyyət daşıyır.

Dövlət katibi bildirib ki, əsas məqsədlərdən biri feyk xəbərlərlə, dezinformasiya ilə mübarizə aparmaqdır və bu, pandemiya dövründə xüsusilə vacibdir:

"Media agentlikləri ilə əməkdaşlığın möhkəmləndirilməsi vacibdir. Bizim ölkəmiz feyk xəbərlərlə və dezinformasiya ilə mübarizə sahəsində təcrübəsini bölüşməyə hazırdır".

P.Ştara əlavə edib ki, Macarıstanın məqsədi Türk Şurasının üzv ölkələri ilə əməkdaşlığın inkişafını davam etdirməkdir və bu təşkilatın Budapeştdə nümayəndəliyinin təsis olunması bu məqsədin reallaşdırılması üçün uyğun addımdır.

Milli.Az

 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.